QR Densaýlyq saqtaý ministri Eljan Birtanov koronavirýs indeti simptomsyz aýrýlardy emdeý tásili týraly aityp berdi, dep habarlaidy QazAqparat.
«Biz búginge deiin simptomsyz aýrýlardy aýrýhanaǵa jatqyzyp, olardy baqylaý boiynsha taktikany ustanyp keldik. Bastapqy kezderde biz olardy emdep te júrdik», - dedi E. Birtanov «Habar24» arnasyna bergen suhbatynda.
Onyń sózine qaraǵanda, keiinnen halyqaralyq nusqaýlardy eskere otyryp, emdeý protokoldary ózgertildi.
«Indetti emdeýdiń naqty ári tolyq ádisteri bolmaǵandyqtan, halyqaralyq uiymdardaǵy áriptesterimiz simptomsyz jaǵdailardy emdemeýge keńes berdi. Sondyqtan biz olardy aýrýhanaǵa jatqyzyp, tek baqylap júrdik. Qazir tásilderdi ózgertip jatyrmyz», - dedi ministr.
