Atyraý qalasyndaǵy avtobýstarda halyqtyq sipat ala bastaǵan Kórisý kúni - 14 naýryzda jolaýshylar tegin júredi, dep habarlaidy "Ult aqparat".
Bul aqparatty búgin Atyraý qalalyq ákimdiginiń baspasóz qyzmeti rastady.
«Kórisý – ejelden halqymyzda bar dástúr. Ony qaita jańǵyrtý bárimiz úshin mańyzdy bolmaq. Osyǵan orai Atyraý qalasynyń ákimi Qairat Orazbaev jolaýshylar tasymalymen ainalysatyn kásiporyndarǵa 14 naýryz –Kórisý kúni qalaishilik marshrýttarda jolaýshylardy tegin tasymaldaýǵa usynys aitqan edi. Bul usynysqa «Atyrau-Avtopark» JShS-nyń basshylyǵy qoldaý bildirdi. Sóitip, bul kúni №1, 2, 4, 8, 12, 21, 22, 30a jáne 65-marshrýttaǵy avtobýstarda jolaýshylar tegin júredi» -dep habarlady Atyraý qalalyq ákimdiginiń baspasóz qyzmeti.
