Memleket basshysy N. Á. Nazarbaev óziniń «Rýhani jańǵyrý – bolashaqqa baǵdar» atty maqalasynda «Týǵan jerdiń árbir saiy men qyrqasy, taýy men ózeni tarihtan syr shertedi. Árbir jer ataýynyń tórkini týraly talai-talai ańyzdar men áńgimeler bar. Osynyń bárin jas urpaq bilip ósýge tiis» deidi. Demek, ata-babadan amanat bolyp qalǵan saiyn dalamyzdyń árbir tasyn, taýy men bulaǵyn, ózen-kólin, tumsa tabiǵatyn keiingiler jái ǵana tanyp qoimai, onyń tarihyn tereń meńgerýi úshin qol qýsyryp qarap otyrýǵa taǵy bolmaidy.
Osyny oiǵa alǵan QR Aýyl sharýashylyǵy ministrliginiń Sý resýrstary komiteti «Kórikti meken» jobasyn qolǵa aldy. Jospar boiynsha eki kúnge sozylatyn tanymdyq sapardyń maqsaty – «Rýhani jańǵyrý» baǵdarlamasyna sáikes, elimizdiń ózen-kólderine arnaiy saiahat jasap, olardyń tarihyn tereńirek taný arqyly ulttyq bolmysymyzdy jańǵyrtý jáne komitetke qarasty sý resýrstary nysandarynyń jumysyn əleýmetke nasihattaý.
Ázirge belgilisi, osy aptada ótetin tanymdyq saparda elimizge tanymal buqaralyq aqparat quraldarynyń, televiziia men internet-jýrnalistikanyń beldi ókilderi qatyspaq. Top quramynda «Habar» Agenttigi internet direktsiiasy direktorynyń orynbasary, belgili internet-sarapshy Órken Kenjebek, kásibi fotograf, jýrnalist, «Qazkontent» internet-arnasynyń úilestirýshisi Maksim Rojin, «Daryn» memlekettik jastar syilyǵynyń laýreaty, «Bolashaq» baǵdarlamasynyń stipendiaty Rahat Jaqsybai, belgili bloger, internet-sarapshy Iakov Fedorov jəne Vaq.kz aqparattyq portalynyń bas redaktory Erjan Ábdraman bar. Sondai-aq, jobanyń alǵashqy qadamy elimizdiń ońtústiginen bastalatynyn aita keteiik. Eki kún boiy shyǵarmashylyq top ondaǵan sý nysandary men ózen-kólderdegi jaǵdaidy kózben kórip, mamandarmen suhbattassa, qundy málimetterdi aqparat quraldary men áleýmettik jelilerge jariialamaq niette.
Ermurat ShOPAN
