- Bir top qorǵaýshy aýyr atlet Ilia Ilinniń Olimpiada oiyndaryndaǵy medaldary men ataǵy úshin kúresip jatyr, dep habarlaidy QazAqparat.
«Bir top qorǵaýshy sportshyny biliktiliginen aiyrý merzimin jeńildetý úshin shara qoldanady. Sportshyny biliktiliginen aiyrý týraly merzim qandai bolatynyn jýyq arada Halyqaralyq aýyr atletika federatsiiasy jariia etetin bolady», - dep habarlady QR Aýyr atletika federatsiiasynyń baspasóz qyzmetinen.
Osy federatsiianyń bastamasymen qurylǵan advokattar toby men zerthana saraptamalary salasyndaǵy mamandar birneshe aidan beri Ilia Ilinniń saraptamasyn zerttep keledi.
Esterińizge sala keteiik, búgin Qazaqstan Respýblikasynyń Ulttyq Olimpiadalyq komiteti Halyqaralyq Olimpiadalyq komiteti tarapynan aǵzasynan tyiym salynǵan preparattardyń izi tabylǵan 2008 jáne 2012 jyldardaǵy Olimpiada oiyndaryna qatysqan qazaqstandyq sportshy Ilia Ilinge qatysty jaza qoldanylǵandyǵy týraly resmi habarlama aldy. Halyqaralyq Olimpiadalyq komitetiniń tártiptik komissiiasy 2008 jyly Beijińde jáne 2012 jyly Londonda ótken Olimpiada oiyndarynyń jeńimpazy, 94 keli salmaq dárejesinde óner kórsetken qazaqstandyq aýyr atlet Ilia Ilinniń «A» jáne «V» doping synamalarynyń qosymsha tekserý qorytyndysy boiynsha qazaqstandyq sportshyny sol Oiyndardan shettetip, kórsetken nátijeleriniń kúshin joiyp, júldelerin qaitaryp alý týraly sheshim shyǵardy.
Barlyq quqyqtar qorǵalǵan. inform.kz belsendi siltemeni paidalanyńyz http://www.inform.kz/kz/korgaushylar-il-ya-il-innin-atagy-men-medali-ushin-kuresip-zhatyr_a2972568
