«Qorǵas» shekara mańy yntymaqtastyǵy halyqaralyq ortalyǵy Saýda jáne integratsiia ministrliginiń quziretine beriletin boldy. Bul sheshim týraly qaýly jobasy «Ashyq NQA» portalynda jariialandy, dep habarlaidy "Ult aqparat".
Zańnamada belgilengen tártippen qazirgi ýaqytta halyqaralyq ortalyq Almaty oblysynyń ákimdigine qaraidy. «Qorǵas» shekara mańy yntymaqtastyǵy halyqaralyq ortalyǵy» arnaiy ekonomikalyq aýmaǵyn basqarýshy kompaniiasy» AQ aktsiialarynyń 100 paiyz mólsherindegi paketi kommýnaldyq menshikten respýblikalyq menshikke berilmek.
«QR Qarjy ministrliginiń memlekettik múlik jáne jekeshelendirý komiteti QR Saýda jáne integratsiia ministrligimen birlesip, zańnamada belgilengen tártippen osy qaýlydan týyndaityn qajetti sharalardy qabyldasyn. Úkimettiń keibir sheshimderine engiziletin ózgeris pen tolyqtyrýlar bekitilsin», - delingen qujatta.
Óz tarapynan Saýda jáne integratsiia ministrligi «Qorǵas» ShYHO» arnaiy ekonomikalyq aýmaǵyna bailanysty túsindirme jazba jariialady. Ministrlikiń habarlaýynsha osy sheshim arqyly qazaqstandyq eksportty ilgeriletý úshin jaǵdai jasaý jáne QR men QHR arasyndaǵy shekara mańyndaǵy saýda kólemin arttyrý kózdelip otyr. Osy maqsatta «Qorǵas» ShYHO MK AEA» AQ aktsiialardyń memlekettik paketine ielik etý jáne paidalaný quqyqtaryn QR Saýda jáne integratsiia ministrliginiń quzyryna berý qarastyrylǵan.
