Búgin Memleket basshysynyń tóraǵalyǵymen Qorǵanys ministrliginiń keńeitilgen alqa májilisi ótti. Májiliste Prezident aitqandai, qazaq áskeri Birikken Ulttar Uiymynyń bitimgerlik operatsiialaryna kóbirek qatysýy kerek. Prezident qorǵanys ministriligine keler jylǵa deiin osy baǵytta jospar túzip, jol kartasyn ázirleýdi tapsyrdy, – dep habarlaidy «Ult aqparat».
Sonymen birge, keler jyldyń qarasha aiyna deiin armiianyń ideologiialyq tujyrymdamasy ázirlenýi kerek. Otyrysty ashqan Joǵarǵy Bas qolbasshy keler jyly qasterli Táýelsizdigimizge 30 jyl tolatynyn atap ótip, osy jyldar ishinde beibit ómirimizdiń qorǵany bolǵan ulttyq áskerimiz tolyq qalyptasqanyn, elimizdiń armiiasy egemendigimiz ben tutastyǵymyzdyń tiregine ainalǵanyn aitty.
Atalǵan jiyn aiasynda Prezident jiynǵa deiin qyzmet barysynda qaza tapqan áskeri qyzmetshilerge arnap ornatylǵan «Máńgi esimizde» monýmentine gúl qoiyp, taǵzym etti.
Jiyn barysynda sóz alǵan QR Prezidenti Qasym-Jomart Toqaev memleketimizdiń qorǵanys qabiletin arttyrý úshin Elbasy Nursultan Nazarbaevtyń eren eńbegin atap ótti.
«Mundai jaǵdaida memlekettiń egemendigi men tutastyǵynyń jalǵyz kepili – Qarýly Kúshter. Elimizdi syrtqy qaýip-qaterden qorǵap turǵan áskeri qyzmetshilerdi memleket árdaiym qoldaidy. Prezident jáne Joǵarǵy Bas qolbasshy retinde qorǵanys salasyna erekshe kóńil bólýdi óz jumysymnyń basym baǵyty retinde sanaimyn», – dedi Qasym-Jomart Toqaev.
Qasym-Jomart Toqaev Qorǵanys ministrliginiń basshylyǵyn jahandyq masshtabta da, jekelegen aimaqtarda da kúrt ózgerip jatqan álemdegi ahýaldy jiti baqylap otyrýǵa shaqyrdy. Onyń sózinshe, qazirgi qaýipsizdik arhitektýrasy daǵdarysqa ushyraǵan.
Memleket basshysy ishki tolqýlar, tóńkerister eldiń tutastyǵyna sózsiz áser etedi dep sanaidy. Oǵan Brest bitiminen bastap Qap taýyndaǵy sońǵy jaǵdailarǵa deiingi tarihtyń jańa paraqtary kýá.
«Ishki tolqýlar, tóńkerister el tutastyǵyna sózsiz áser etedi dep sanaimyn. Oǵan Brest bitiminen bastap Qap taýyndaǵy sońǵy jaǵdailarǵa deiingi tarihtyń jańa paraqtary kýá. Mundai jaǵdaida memlekettiń egemendigi men tutastyǵynyń jalǵyz kepili – Qarýly Kúshter. Elimizdi syrtqy qaýip-qaterden qorǵap turǵan áskeri qyzmetshilerdi memleket árdaiym qoldaidy. Prezident jáne Joǵarǵy Bas qolbasshy retinde qorǵanys salasyna erekshe kóńil bólýdi óz jumysymnyń basym baǵyty retinde sanaimyn», – dedi Qasym-Jomart Toqaev.
Memleket basshysy Qorǵanys ministrligi sońǵy jyldary áskeri josparlaý qujattaryn daiyndaý boiynsha aýqymdy jumys atqarǵanyn atap ótti. Bul armiia men memlekettik organdardyń syrtqy qaýip-qaterge qarsy maqsatty túrde daiyndyq júrgizýine múmkindik bergen.
Prezidenttiń pikirinshe, osyǵan deiin qol jetken jetistikterdi saqtaý úshin Qarýly Kúshterdiń qyzmetindegi birqatar basymdyqqa kóńil bólý qajet. Atap aitqanda, áskerdegi moraldyq-psihologiialyq ahýaldy jáne sarbazdardyń jaýyngerlik rýhyn kóterý asa mańyzdy.
Sonymen qatar ol áskerilerdi áleýmettik-quqyqtyq turǵydan qorǵaý máselesine toqtaldy. Prezident kelesi jyldan bastap kúshtik qurylymdarǵa arnalǵan azyq-túlikke bólinetin qarjy kólemi artatynyn, aldaǵy 3 jyl ishinde áskeri qyzmetshilerge beriletin qarjylai tólemdi ortasha eseppen 30 paiyzǵa kóbeitý týraly sheshim qabyldanǵanyn habarlady.
Joǵarǵy Bas qolbasshy armiianyń áskeri mashyǵyn udaiy shyńdap otyrý kerek ekenin aitty. Qasym-Jomart Toqaev biyl ótken áskeri jattyǵýlarda qazaqstandyq áskeriler joǵary daiyndyǵyn kórsetip, bitimgerlik missiialarǵa qatysýǵa ázir ekenin atap ótti. Osyǵan orai Qorǵanys ministrligine múddeli memlekettik organdarmen birlesip 2021 jyldyń 1 tamyzyna deiin Qazaqstan Qarýly Kúshteriniń BUU bitimgerlik operatsiialaryna qatysýyn keńeitý jónindegi Jol kartasyn ázirleýdi mindettedi.
Memleket basshysy óziniń tapsyrmasy boiynsha Beirýt portyndaǵy jarylystyń saldaryn joiý kezinde Livan halqyna kórsetken kómekteri úshin Qarýly Kúshterdiń áskeri dárigerlerine rizashylyǵyn bildirdi. Sondai-aq Qasym-Jomart Toqaev koronavirýspen kúres kezinde ózderine júktelgen jaýapty mindetti abyroimen atqarǵan barlyq áskeri qyzmetshilerge alǵys aitty.
Prezident qazaqstandyq armiianyń eń ozyq tsifrlyq tehnologiialarmen jáne quraldarmen jabdyqtaýdyń mańyzdy ekenin eskertti. Bul máseleni sheshý úshin Memleket basshysy Qorǵanys ministriniń tsifrlandyrý jónindegi orynbasary qyzmetin engizý týraly sheshim qabyldady. Budan bólek Qasym-Jomart Toqaev 2021 jyldyń 1 qarashasyna deiin Áskeri baǵyttaǵy birtutas aqparattyq-kommýnikatsiialyq infraqurylym operatoryn qurýdy tapsyrdy.
Memleket basshysy áskeri qurylymdardy qazirgi syn-qaterlerdi eskere otyryp zamanaýi qarý-jaraqpen qamtamasyz etýdiń birqatar basymdyǵyn atady. Prezident áýe qorǵanysyn kúsheitý, ásker túrleriniń radoioelektrondy kúres elementterin damytý, áskerdiń jedel áreket etý áleýetin kóterý maqsatynda áskeri-transporttyq aviatsiia parkin arttyrý baǵyttaryna basymdyq berdi.
Óz áskerin baqpaǵan el ózgeniń áskerin baǵady degen turaqty támsil bar. Qorǵanysy aibynsyz ult qorǵansyzdyń kúiin keshedi. Qasym-Jomart Toqaev áskeri qyzmetshilerge beriletin qarjylai tólem aldaǵy 3 jylda 30 paiyzǵa kóbeietinin aitty. Keler jyldan bastap kúshtik qurylymdarǵa arnalǵan azyq-túlikke bólinetin qarjy da artady.
Qasym-Jomart Toqaev armiia memleketimizdiń tiregi, egemendiktiń kepili ekenin jáne árbir qazaqstandyq sarbaz ben sardar qasterli Táýelsizdigimizdi kúzetip turǵanyn udaiy esinde ustaýǵa tiis ekenin aitty.
Jiynnan keiin Prezident eldiń Qarýly Kúshteriniń quramyndaǵy radioelektrondy kúres júrgizýge arnalǵan zamanaýi joǵary tehnologiialyq qural-jabdyqtardyń úlgilerimen tanysty.
Esterińizge sala keteiik, Memleket basshysynyń tóraǵalyǵymen Qorǵanys ministrliginiń keńeitilgen alqa májilisi ótti. Jiyn aiasynda Prezident jiynǵa deiin qyzmet barysynda qaza tapqan áskeri qyzmetshilerge arnap ornatylǵan «Máńgi esimizde» monýmentine gúl qoiyp, taǵzym etti. Joǵarǵy Bas qolbasshy armiianyń áskeri mashyǵyn udaiy shyńdap otyrý kerek ekenin aitty. Qasym-Jomart Toqaev biyl ótken áskeri jattyǵýlarda qazaqstandyq áskeriler joǵary daiyndyǵyn kórsetip, bitimgerlik missiialarǵa qatysýǵa ázir ekenin atap ótti. Osyǵan orai Qorǵanys ministrligine múddeli memlekettik organdarmen birlesip 2021 jyldyń 1 tamyzyna deiin Qazaqstan Qarýly Kúshteriniń BUU bitimgerlik operatsiialaryna qatysýyn keńeitý jónindegi Jol kartasyn ázirleýdi mindettedi.
