QR Premer-Ministri Álihan Smaiylov Senat depýtattarynyń saýalyna joldaǵan jaýabynda Qarýly Kúshter men ózge de áskeri qurylymdardy sharýashylyq jabdyqtaý isinde aýtsorsingten bas tartýǵa negiz joq ekenin túsindirdi, dep habarlaidy QazAqparat.
«Qarýly Kúshterde aýtsorsing áskeri qyzmetshilerdi tamaqtandyrý jáne monsha-kir jýý qyzmetinde ǵana kórsetiledi. Sondai-aq jaýyngerler men jaýyngerlik qurylymdardy munai ónimderimen jabdyqtaýda ishinara aýtsorsing qoldanylady.
Qorǵanys ministrliginiń aqparaty boiynsha, Qarýly Kúshterdi materialdyq-tehnikalyq jabdyqtaý salasynda aýtsorsing júiesin paidalaný maqsatqa sai jáne tiimdi. Onyń ústine bul júie beibit ýaqytta jeke quramnyń áskeri daiyndyq protsesinen alshaqtap ketpeýine, shektelgen qarjylandyrý jaǵdaiynda biýdjet qarajatyn tiimdi jumsaýǵa jol ashady», - delingen Úkimet basshysynyń jaýabynda.
Álihan Smaiylovtyń paiymynsha, álemdegi áskeri-saiasi jaǵdaidyń ýshyǵýyn jáne jahandyq aýqymda shielenistiń artqanyn eskerip, Qarýly Kúshterdiń negizgi kúsh-jigeri memlekettiń qorǵanys qabiletin jáne ulttyq qaýipsizdikti nyǵaitýǵa baǵyttalyp otyr.
«Bul rette áskeri qyzmetke tán emes fýnktsiialardyń bári básekeli ortaǵa berilýde. Múddeli memlekettik organdar (Qorǵanys, Qarjy, Ishki ister,Tótenshe jaǵdailar ministrlikteri, Ulttyq qaýipsizdik qyzmeti, Memlekettik kúzet qyzmeti) Qarýly Kúshterdiń jekelegen bólimderiniń ózin-ózi jabdyqtaýǵa kóshýi tiimsiz ekenin aityp otyr. Onyń ústine ózin-ózi jabdyqtaýǵa kóshý memleket biýdjetiniń shyǵynyn arttyrýy múmkin.
Kókónis saqtaityn oryndar, daiyndaý beketteri siiaqty jańa nysandar salý kerek bolady. Oǵan jaryq, sý, jylý/ salqyndatý, kúzet, qosymsha kólik uiymdastyrý kerek bolady», - dep jazylǵan jaýapta.
Sonymen qatar ashanalardy, qoimalardy, toǵazytqyshtardy, tehnologiialyq qondyrǵylardy, ózge de múlikterdi paidalaný úshin respýblikalyq biýdjetten aqsha shyǵyndaý qajet ekeni aitylǵan.
«Qazir munyń bárin tamaqtandyrýdy uiymdastyryp otyrǵan qyzmet kórsetýshiler jalǵa alyp otyr. Ashana men kir jýý nysandarynyń personalyn ustaýǵa da qosymsha qarajat qajet bolady.
Onyń ústine aýtsorsing júiesin qoldanýdyń óńirlik deńgeide mýltiplikativtik tiimdiligi bar. Shaǵyn jáne orta biznesti damytyp, jergilikti halyqtyń jumysqa ornalasýyna jol ashyp otyr. Aýtsorisingten bas tartý osy adamdardyń áleýmettik narazylyǵyn týyndatýy múmkin», - dedi Álihan Smaiylov.
