Nur-Sultan qalasynda qorǵanys vedomstvosy basshysynyń tapsyrmasy boiynsha Qazaqstan Respýblikasy Qorǵanys ministriniń orynbasary general-leitenant T. Muhtarov áskeri qyzmetten zapasqa bosatylǵan adamdarmen kezdesti, dep habarlaidy "Ult aqparat" QR Qorǵanys ministrliginiń baspasóz qyzmetine silteme jasap.
Qabyldaý barysynda Qorǵanys ministriniń orynbasary eńbek ótili 10 jyldan asatyn, biraq 20 jyldan kem áskeri qyzmetten zapasqa bosatylǵan áskeri qyzmetshilerdi baspanamen qamtamasyz etý sheńberinde qoldanystaǵy turǵyn úi zańnamasynyń negizgi erejelerin túsindirdi.
Kezdesý qorytyndysy boiynsha Ministrdiń orynbasary zapasqa bosatylǵan adamdardyń usynystaryn tyńdap, olar turǵyn úi qarym-qatynasy máseleleri boiynsha Zań jobasyna ári qarai engizile otyryp, vedomstvoaralyq komissiianyń otyrysynda qaralatynyn atap ótti.
Ótken jyldan bastap baspanamen qamtamasyz etýdiń jańa modeli engizilgenin esterińizge sala keteiik. Onyń aiasynda 37 myńnan asa áskeri qyzmetshi jeke arnaiy shottar men depozitter ashty, 2 myńnan asa otbasy elimizdiń túkpir-túkpirinde jekemenshik baspanaǵa ie boldy. Qarýly Kúshterdiń turǵyn úi qorynda turatyn 30-dan asa zeinetker Nur-Sultan, Aqtaý, Aqtóbe, Aiagóz, Arys, Saryózek, Semei, Taldyqorǵan, Óskemen, Shymkent qalalarynda jekeshelendirýge jatatyn baspanalaryn aýystyrdy.
Áskeri qyzmetshiler men áskeri zeinetkerlerdi baspanamen qamtamasyz etý tártibi týraly qosymsha qajetti aqparat Qorǵanys ministrliginiń www.mod.gov.kz resmi resýrsynyń «Áleýmettik qamtamasyz etý» bóliminde ornalastyrylǵan. Qorǵanys vedomstvosynyń saitynda kórsetilgen «qaýyrt jeliniń» nómirlerine qońyraý shalyp, onlain konsýltatsiia alýǵa bolady.
