نۇر-سۇلتان قالاسىندا قورعانىس ۆەدومستۆوسى باسشىسىنىڭ تاپسىرماسى بويىنشا قازاقستان رەسپۋبليكاسى قورعانىس مينيسترٸنٸڭ ورىنباسارى گەنەرال-لەيتەنانت ت. مۇحتاروۆ ەسكەري قىزمەتتەن زاپاسقا بوساتىلعان ادامدارمەن كەزدەستٸ, دەپ حابارلايدى "ۇلت اقپارات" قر قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
قابىلداۋ بارىسىندا قورعانىس مينيسترٸنٸڭ ورىنباسارى ەڭبەك ٶتٸلٸ 10 جىلدان اساتىن, بٸراق 20 جىلدان كەم ەسكەري قىزمەتتەن زاپاسقا بوساتىلعان ەسكەري قىزمەتشٸلەردٸ باسپانامەن قامتاماسىز ەتۋ شەڭبەرٸندە قولدانىستاعى تۇرعىن ٷي زاڭناماسىنىڭ نەگٸزگٸ ەرەجەلەرٸن تٷسٸندٸردٸ.
كەزدەسۋ قورىتىندىسى بويىنشا مينيستردٸڭ ورىنباسارى زاپاسقا بوساتىلعان ادامداردىڭ ۇسىنىستارىن تىڭداپ, ولار تۇرعىن ٷي قارىم-قاتىناسى مەسەلەلەرٸ بويىنشا زاڭ جوباسىنا ەرٸ قاراي ەنگٸزٸلە وتىرىپ, ۆەدومستۆوارالىق كوميسسييانىڭ وتىرىسىندا قارالاتىنىن اتاپ ٶتتٸ.
ٶتكەن جىلدان باستاپ باسپانامەن قامتاماسىز ەتۋدٸڭ جاڭا مودەلٸ ەنگٸزٸلگەنٸن ەستەرٸڭٸزگە سالا كەتەيٸك. ونىڭ اياسىندا 37 مىڭنان اسا ەسكەري قىزمەتشٸ جەكە ارنايى شوتتار مەن دەپوزيتتەر اشتى, 2 مىڭنان اسا وتباسى ەلٸمٸزدٸڭ تٷكپٸر-تٷكپٸرٸندە جەكەمەنشٸك باسپاناعا يە بولدى. قارۋلى كٷشتەردٸڭ تۇرعىن ٷي قورىندا تۇراتىن 30-دان اسا زەينەتكەر نۇر-سۇلتان, اقتاۋ, اقتٶبە, اياگٶز, ارىس, سارىٶزەك, سەمەي, تالدىقورعان, ٶسكەمەن, شىمكەنت قالالارىندا جەكەشەلەندٸرۋگە جاتاتىن باسپانالارىن اۋىستىردى.
ەسكەري قىزمەتشٸلەر مەن ەسكەري زەينەتكەرلەردٸ باسپانامەن قامتاماسىز ەتۋ تەرتٸبٸ تۋرالى قوسىمشا قاجەتتٸ اقپارات قورعانىس مينيسترلٸگٸنٸڭ www.mod.gov.kz رەسمي رەسۋرسىنىڭ «ەلەۋمەتتٸك قامتاماسىز ەتۋ» بٶلٸمٸندە ورنالاستىرىلعان. قورعانىس ۆەدومستۆوسىنىڭ سايتىندا كٶرسەتٸلگەن «قاۋىرت جەلٸنٸڭ» نٶمٸرلەرٸنە قوڭىراۋ شالىپ, ونلاين كونسۋلتاتسييا الۋعا بولادى.
