Qazaqstan Qorǵanys ministrligi 2020 jyldan bastap arnaiy maqsattaǵy geoaqparattyq tuǵyrnama jobasyn shyǵarady, dep habarlaidy QR QM baspasóz qyzmeti.
Bul - sandyq kartografikalyq, aeroǵaryshtyq túsirilim derekteri, ekonomika salalary boiynsha aýmaqtyń jedel jabdyqtary men jumyldyrý resýrstarynyń infraqurylymdyq málimetteri, terroristik turǵydan osal obektilerdi tólqujattaý jónindegi materialdary jinaqtalǵan geokeńistik aqparat banki.
Platforma komandirlerdi barlyq dárejedegi obektivti jáne jedel aqparatpen qamtamasyz etedi, al jergilikti jer týraly derekterdi jinaý ýaqytyn qysqartý, baǵalaý jáne áskerlerge jetkizý esebinen sheshimderdiń jedeldigin arttyrady. Jaýyngerlik is-qimyldar kezinde bul áskerler úshin mańyzdy artyqshylyq.
«Sandyq Qazaqstan» memlekettik baǵdarlamasy aiasynda ázirlengen joba - sandyq armiia formatyna kóshýdiń qajetti sharty. Qazirgi jaǵdaida álemniń kóptegen elderi naqty ýaqyt rejiminde maqsattardy anyqtaityn, aqparat almasýdy, maqsat qoiýdy, buiryq berýdi júrgizýge, áskerlerdi baqylaýǵa múmkindik beretin biryńǵai basqarý júiesin «aiqastyń elektrondyq alańyn» qurý boiynsha belsendi jumys isteidi.
QR QK Bas shtabynyń geoaqparattyq qamtamasyz etý departamenti memlekettik áskeri qaýipsizdigin qamtamasyz etý boiynsha mindetterdi oryndaityn basqa da memlekettik organdar men uiymdarmen tanystyrý jiyndaryn ótkizdi.
