Foto: Qorǵanys ministrliginiń baspasóz qyzmeti
Áleýmettik jelilerde tarap, qoǵamda rezonans týdyrǵan áskeri mekteptegi álimjettik videosynyń Qorǵanys ministrliginiń oqý oryndaryna qatysy joq. Bul týraly vedomstvonyń baspasóz qyzmeti málimdedi.
"Qorǵanys ministrligimen áskeri kiim kigen adamdar toby arasyndaǵy jarǵydan tys qatynastar faktisi kórsetilgen beinematerial zerdelendi.
Bul videodaǵy is-áreketter Qorǵanys ministrligine qarasty oqý oryndaryna jatpaitynyn habarlaimyz.
Vedomstvo 2015 jyly Bilim jáne ǵylym ministrliginen Qorǵanys ministrligine berilgen Almaty, Shymkent jáne Qaraǵandy qalalaryndaǵy úsh respýblikalyq "Jas ulan" mektebine jetekshilik etedi" - delingen habarlamada.
