Qorǵanys ministriniń tsifrlandyrý jónindegi orynbasary qyzmeti engiziledi. Ministrliktiń keńeitilgen alqa májilisine qatysqan QR Prezidenti Qasym-Jomart Toqaev osyndai sheshim qabyldady, dep habarlaidy "Ult aqparat".
Prezident qazaqstandyq armiianyń eń ozyq tsifrlyq tehnologiialarmen jáne quraldarmen jabdyqtaýdyń mańyzdy ekenin eskertti. Bul máseleni sheshý úshin Memleket basshysy Qorǵanys ministriniń tsifrlandyrý jónindegi orynbasary qyzmetin engizý týraly sheshim qabyldady. Budan bólek Qasym-Jomart Toqaev 2021 jyldyń 1 qarashasyna deiin Áskeri baǵyttaǵy birtutas aqparattyq-kommýnikatsiialyq infraqurylym operatoryn qurýdy tapsyrdy.
Memleket basshysy áskeri qurylymdardy qazirgi syn-qaterlerdi eskere otyryp zamanaýi qarý-jaraqpen qamtamasyz etýdiń birqatar basymdyǵyn atady. Prezident áýe qorǵanysyn kúsheitý, ásker túrleriniń radoioelektrondy kúres elementterin damytý, áskerdiń jedel áreket etý áleýetin kóterý maqsatynda áskeri-transporttyq aviatsiia parkin arttyrý baǵyttaryna basymdyq berdi.
