Darhan Ahmediev qorǵanys ministriniń orynbasary laýazymyna taǵaiyndaldy, - dep habarlaidy "Ult aqparat" Aqorda saityna silteme jasap.
"Darhan Meiramuly Ahmediev Qazaqstan Respýblikasy qorǵanys ministriniń orynbasary laýazymyna taǵaiyndaldy", - delingen Jarlyqta.
Darhan Ahmediev Qaraǵandy memlekettik tehnikalyq ýniversitetiniń túlegi, "Bolashaq" stipendiiasynyń iegeri (King's London college).
Eńbek jolyn 2012 jyly "Ulttyq aqparattyq tehnologiialar" AQ taldaýshysy retinde bastaǵan. 2013-2015 jyldary QR Tótenshe jaǵdailar ministrliginde jáne QR IIM Tótenshe jaǵdailar komitetinde sarapshy bolyp jumys istegen. Keiinnen QR Memlekettik qyzmet isteri jáne sybailas jemqorlyqqa qarsy is-qimyl agenttiginiń bas sarapshysy laýazymyna qabyldandy.
2017 jyldan bastap 2019 jylǵa deiin QR Qorǵanys jáne aeroǵarysh ónerkásibi ministrliginiń basqarma basshysy bolyp jumys istegen.
2019 jyly QR tsifrlyq damý, innovatsiialar jáne aeroǵarysh ónerkásibi ministrliginiń elektrondyq ónerkásipti damytý departamenti direktorynyń orynbasary boldy.
2020 jyly QR tsifrlyq damý, innovatsiialar jáne aeroǵarysh ónerkásibi ministrliginiń IT damý departamentiniń direktory bolyp taǵaiyndalǵan.
Ári qarai, vedomstvonyń ishki qaita uiymdastyrý nátijesinde 2020 jylǵy 20 qarashadan bastap QR tsifrlyq damý, innovatsiialar jáne aeroǵarysh ónerkásibi ministrliginiń aqparattyq jáne aqparattyq-kommýnikatsiialyq tehnologiialardy damytý departamentiniń direktory bolyp taǵaiyndalǵan.
