Foto: Qorǵanys ministrliginiń baspasóz qyzmeti
Qorǵanys ministriniń birinshi orynbasary – QR Qarýly Kúshteri Bas shtabynyń bastyǵy qyzmetin Sultan Qamaletdinov atqaratyn boldy, - dep habarlaidy "Ult aqparat" Aqordanyń resmi saityna silteme jasap.
"Memleket basshysynyń ókimi boiynsha, Sultan Búrkitbaiuly Qamaletdinov Qazaqstan Respýblikasy Qorǵanys ministriniń birinshi orynbasary – Qazaqstan Respýblikasy Qarýly Kúshteri Bas shtabynyń bastyǵy bolyp taǵaiyndaldy, ol burynǵy atqarǵan laýazymynan bosatyldy", - delingen Ókim mátininde.
Bul rette, Memleket basshysynyń ókimi boiynsha, Marat Qusaiynov Qazaqstan Respýblikasy Qorǵanys ministriniń birinshi orynbasary – Qazaqstan Respýblikasy Qarýly Kúshteri Bas shtabynyń bastyǵy laýazymynan bosatyldy.
Aita keteiik, Sultan Qamaletdinov 1965 jylǵy 12 aqpanda Astrahan oblysy, Volodar aýdany, Zelenga aýylynda dúniege kelgen. 1986 jyly Tashkenttegi joǵary komandalyq tank ýchilishesin, 1997 jyly Brondy tank áskerleriniń áskeri akademiiasyn, 2010 jyly Resei Qarýly kúshteri bas shtabynyń áskeri akademiiasyn bitirgen. Áskeri sheni – general-leitenant (2020). Qazaq, orys tilderin jetik meńgergen.
• 1986-1989 jyldary Germaniiadaǵy Keńes áskerleri toby quramynyń №58975 áskeri bóliminde áskeri qyzmet atqardy;
• 1989-1992 jyldary №73842 áskeri bóliminde túrli laýazymda boldy;
• 1992-1994 jyldary №25744 áskeri bóliminde túrli qyzmet atqardy;
• 1994-1997 jyldary Brondy tank áskerleri Áskeri akademiiasynyń tyńdaýshysy;
• 1997-2004 jyldary Qarýly kúshter áskeri bólimderinde basshylyq laýazym atqardy;
• 2004-2006 jyldary – №31775 á/b komandiri;
• 2006-2006 jyldary – Qorǵanys ministrligi Shtabtar bastyqtary komiteti Jedel josparlaý departamentiniń aǵa ofitseri;
• 2006-2007 jyldary – «Shyǵys» Óńirlik qolbasshylyǵy áskerleri qolbasshysynyń basqarmasy shtaby bastyǵynyń orynbasary;
• 2007-2008 jyldary – Óńirlik qolbasshylyq áskerleri qolbasshysynyń (jaýyngerlik daiarlyq boiynsha) orynbasary, «Ońtústik» ÓńQ áskerleri qolbasshysynyń basqarmasy jaýyngerlik daiarlyq basqarmasynyń bastyǵy;
• 2008-2010 jyldary – Resei Qarýly kúshteri bas shtaby áskeri akademiiasynyń tyńdaýshysy;
• 2010-2012 jyldary – Óńirlik qolbasshylyq áskerleri qolbasshysynyń birinshi orynbasary, «Ońtústik» ÓńQ áskerleri qolbasshysynyń basqarmasy shtab bastyǵy;
• 2012-2013 jyldary – Óńirlik qolbasshylyq áskerleri qolbasshysynyń birinshi orynbasary, «Astana» ÓńQ áskerleri qolbasshysynyń basqarmasy shtab bastyǵy;
• 2013-2016 jyldary – «Astana» ÓńQ áskerleriniń qolbasshysy;
• 2016-2017 jyldary – Bas shtab bastyǵy, Qarýly kúshteri Qurlyq áskerleri bas qolbasshysynyń birinshi orynbasary;
• 2017-2019 jyldary – Aimaqtyq qorǵanys bas basqarmasynyń bastyǵy, Qarýly Kúshterdiń aimaqtyq áskerleriniń bastyǵy jáne Qarýly kúshter bas shtabynyń aimaqtyq qorǵanys departamentiniń bastyǵy laýazymdarynda qyzmet atqardy.
• 2019-2021 jyldary – Tuńǵysh prezident – Elbasy atyndaǵy Ulttyq qorǵanys ýniversitetiniń bastyǵy;
•2021 jylǵy qarashadan bastap Qorǵanys ministriniń orynbasary.
II dárejeli «Dańq» ordenimen marapattalǵan.
