قورعانىس مينيسترٸنٸڭ بٸرٸنشٸ ورىنباسارى تاعايىندالدى

فوتو: قورعانىس مينيسترلٸگٸنٸڭ باسپاسٶز قىزمەتٸ

قورعانىس مينيسترٸنٸڭ بٸرٸنشٸ ورىنباسارى – قر قارۋلى كٷشتەرٸ باس شتابىنىڭ باستىعى قىزمەتٸن سۇلتان قامالەتدينوۆ اتقاراتىن بولدى, - دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.

"مەملەكەت باسشىسىنىڭ ٶكٸمٸ بويىنشا, سۇلتان بٷركٸتبايۇلى قامالەتدينوۆ قازاقستان رەسپۋبليكاسى قورعانىس مينيسترٸنٸڭ بٸرٸنشٸ ورىنباسارى – قازاقستان رەسپۋبليكاسى قارۋلى كٷشتەرٸ باس شتابىنىڭ باستىعى بولىپ تاعايىندالدى, ول بۇرىنعى اتقارعان لاۋازىمىنان بوساتىلدى", - دەلٸنگەن ٶكٸم مەتٸنٸندە.

بۇل رەتتە, مەملەكەت باسشىسىنىڭ ٶكٸمٸ بويىنشا, مارات قۇسايىنوۆ قازاقستان رەسپۋبليكاسى قورعانىس مينيسترٸنٸڭ بٸرٸنشٸ ورىنباسارى – قازاقستان رەسپۋبليكاسى قارۋلى كٷشتەرٸ باس شتابىنىڭ باستىعى لاۋازىمىنان بوساتىلدى.

ايتا كەتەيٸك, سۇلتان قامالەتدينوۆ 1965 جىلعى 12 اقپاندا استراحان وبلىسى, ۆولودار اۋدانى, زەلەنگا اۋىلىندا دٷنيەگە كەلگەن. 1986 جىلى تاشكەنتتەگٸ جوعارى كوماندالىق تانك ۋچيليششەسٸن, 1997 جىلى بروندى تانك ەسكەرلەرٸنٸڭ ەسكەري اكادەميياسىن, 2010 جىلى رەسەي قارۋلى كٷشتەرٸ باس شتابىنىڭ ەسكەري اكادەميياسىن بٸتٸرگەن. ەسكەري شەنٸ – گەنەرال-لەيتەنانت (2020). قازاق, ورىس تٸلدەرٸن جەتٸك مەڭگەرگەن.

• 1986-1989 جىلدارى گەرمانيياداعى كەڭەس ەسكەرلەرٸ توبى قۇرامىنىڭ №58975 ەسكەري بٶلٸمٸندە ەسكەري قىزمەت اتقاردى;

• 1989-1992 جىلدارى №73842 ەسكەري بٶلٸمٸندە تٷرلٸ لاۋازىمدا بولدى;

• 1992-1994 جىلدارى №25744 ەسكەري بٶلٸمٸندە تٷرلٸ قىزمەت اتقاردى;

• 1994-1997 جىلدارى بروندى تانك ەسكەرلەرٸ ەسكەري اكادەميياسىنىڭ تىڭداۋشىسى;

• 1997-2004 جىلدارى قارۋلى كٷشتەر ەسكەري بٶلٸمدەرٸندە باسشىلىق لاۋازىم اتقاردى;

• 2004-2006 جىلدارى – №31775 ە/ب كومانديرٸ;

• 2006-2006 جىلدارى – قورعانىس مينيسترلٸگٸ شتابتار باستىقتارى كوميتەتٸ جەدەل جوسپارلاۋ دەپارتامەنتٸنٸڭ اعا وفيتسەرٸ;

• 2006-2007 جىلدارى – «شىعىس» ٶڭٸرلٸك قولباسشىلىعى ەسكەرلەرٸ قولباسشىسىنىڭ باسقارماسى شتابى باستىعىنىڭ ورىنباسارى;

• 2007-2008 جىلدارى – ٶڭٸرلٸك قولباسشىلىق ەسكەرلەرٸ قولباسشىسىنىڭ (جاۋىنگەرلٸك دايارلىق بويىنشا) ورىنباسارى, «وڭتٷستٸك» ٶڭق ەسكەرلەرٸ قولباسشىسىنىڭ باسقارماسى جاۋىنگەرلٸك دايارلىق باسقارماسىنىڭ باستىعى;

• 2008-2010 جىلدارى – رەسەي قارۋلى كٷشتەرٸ باس شتابى ەسكەري اكادەميياسىنىڭ تىڭداۋشىسى;

• 2010-2012 جىلدارى – ٶڭٸرلٸك قولباسشىلىق ەسكەرلەرٸ قولباسشىسىنىڭ بٸرٸنشٸ ورىنباسارى, «وڭتٷستٸك» ٶڭق ەسكەرلەرٸ قولباسشىسىنىڭ باسقارماسى شتاب باستىعى;

• 2012-2013 جىلدارى – ٶڭٸرلٸك قولباسشىلىق ەسكەرلەرٸ قولباسشىسىنىڭ بٸرٸنشٸ ورىنباسارى, «استانا» ٶڭق ەسكەرلەرٸ قولباسشىسىنىڭ باسقارماسى شتاب باستىعى;

• 2013-2016 جىلدارى – «استانا» ٶڭق ەسكەرلەرٸنٸڭ قولباسشىسى;

• 2016-2017 جىلدارى – باس شتاب باستىعى, قارۋلى كٷشتەرٸ قۇرلىق ەسكەرلەرٸ باس قولباسشىسىنىڭ بٸرٸنشٸ ورىنباسارى;

• 2017-2019 جىلدارى – ايماقتىق قورعانىس باس باسقارماسىنىڭ باستىعى, قارۋلى كٷشتەردٸڭ ايماقتىق ەسكەرلەرٸنٸڭ باستىعى جەنە قارۋلى كٷشتەر باس شتابىنىڭ ايماقتىق قورعانىس دەپارتامەنتٸنٸڭ باستىعى لاۋازىمدارىندا قىزمەت اتقاردى.

• 2019-2021 جىلدارى – تۇڭعىش پرەزيدەنت – ەلباسى اتىنداعى ۇلتتىق قورعانىس ۋنيۆەرسيتەتٸنٸڭ باستىعى;

•2021 جىلعى قاراشادان باستاپ قورعانىس مينيسترٸنٸڭ ورىنباسارى.

ٸٸ دەرەجەلٸ «داڭق» وردەنٸمەن ماراپاتتالعان.