Marat Raqymuly Qusaiynov Qazaqstan Respýblikasy qorǵanys ministriniń birinshi orynbasary bolyp taǵaiyndaldy, - dep habarlaidy "Ult aqparat".
"Memleket basshysynyń ókimi boiynsha Marat Raqymuly Qusaiynov Qazaqstan Respýblikasy Qorǵanys ministriniń birinshi orynbasary – Qazaqstan Respýblikasy Qarýly Kúshteri Bas shtabynyń bastyǵy laýazymyna taǵaiyndaldy", - delingen habarlamada.
Marat Qusaiynov 1967 jyly 20 mamyrda Qaraǵandy oblysynyń "Amantaý" sovhozynda dúniege kelgen.
1988 jyly Cheliabinsk joǵary tank komandalyq ýchilishesin, 1997 jyly - RF QK bronetank áskerleriniń Áskeri akademiiasyn, 2010 jyly - RF QK BSh Áskeri akademiiasyn bitirgen.
Ofitserlik qyzmetin Belorýs áskeri okrýginde vzvod komandiri bolyp bastady.
1993-1997 jyldary tank rotasynyń, oqý tank batalonynyń, tank polkiniń, tank diviziiasynyń komandiri boldy.
1997-2005 jyldary motoatqyshtar brigadasy shtabynyń bastyǵy - komandiriniń orynbasary, Qorǵanys ministrliginiń áskeri-ǵylymi ortalyǵy áskeri-arnaiy zertteýler basqarmasynyń bastyǵy, motoatqyshtar brigadasynyń komandiri, jaǵalaý qorǵanysy brigadasynyń komandiri bolǵan.
2005 jyldan 2008 jylǵa deiin mehanikalandyrylǵan brigadanyń tehnika men qarý-jaraqty saqtaý bóliminiń bastyǵy, "Shyǵys" óńirlik qolbasshylyǵy áskerleri qolbasshysynyń basqarmasy shtaby jedel basqarmasynyń bastyǵy boldy.
2010 jyldyń shildesinen bastap 2016 jylǵa deiin "Batys", "Shyǵys" jáne "Ońtústik" óńirlik qolbasshylyǵy áskerleri qolbasshysynyń basqarma shtabtarynyń bastyǵy boldy.
2016 jylǵy maýsymda Prezident ókimi boiynsha "Ońtústik" óńirlik qolbasshylyǵy áskerleriniń qolbasshysy bolyp taǵaiyndaldy.
2019 jyldyń mamyrynda Qarýly Kúshter Qurlyq áskerleriniń bas qolbasshysy boldy.
