مارات راقىمۇلى قۇسايىنوۆ قازاقستان رەسپۋبليكاسى قورعانىس مينيسترٸنٸڭ بٸرٸنشٸ ورىنباسارى بولىپ تاعايىندالدى, - دەپ حابارلايدى "ۇلت اقپارات".
"مەملەكەت باسشىسىنىڭ ٶكٸمٸ بويىنشا مارات راقىمۇلى قۇسايىنوۆ قازاقستان رەسپۋبليكاسى قورعانىس مينيسترٸنٸڭ بٸرٸنشٸ ورىنباسارى – قازاقستان رەسپۋبليكاسى قارۋلى كٷشتەرٸ باس شتابىنىڭ باستىعى لاۋازىمىنا تاعايىندالدى", - دەلٸنگەن حابارلامادا.
مارات قۇسايىنوۆ 1967 جىلى 20 مامىردا قاراعاندى وبلىسىنىڭ "امانتاۋ" سوۆحوزىندا دٷنيەگە كەلگەن.
1988 جىلى چەليابينسك جوعارى تانك كوماندالىق ۋچيليششەسٸن, 1997 جىلى - رف قك برونەتانك ەسكەرلەرٸنٸڭ ەسكەري اكادەميياسىن, 2010 جىلى - رف قك بش ەسكەري اكادەميياسىن بٸتٸرگەن.
وفيتسەرلٸك قىزمەتٸن بەلورۋس ەسكەري وكرۋگٸندە ۆزۆود كومانديرٸ بولىپ باستادى.
1993-1997 جىلدارى تانك روتاسىنىڭ, وقۋ تانك باتالونىنىڭ, تانك پولكٸنٸڭ, تانك ديۆيزيياسىنىڭ كومانديرٸ بولدى.
1997-2005 جىلدارى موتواتقىشتار بريگاداسى شتابىنىڭ باستىعى - كومانديرٸنٸڭ ورىنباسارى, قورعانىس مينيسترلٸگٸنٸڭ ەسكەري-عىلىمي ورتالىعى ەسكەري-ارنايى زەرتتەۋلەر باسقارماسىنىڭ باستىعى, موتواتقىشتار بريگاداسىنىڭ كومانديرٸ, جاعالاۋ قورعانىسى بريگاداسىنىڭ كومانديرٸ بولعان.
2005 جىلدان 2008 جىلعا دەيٸن مەحانيكالاندىرىلعان بريگادانىڭ تەحنيكا مەن قارۋ-جاراقتى ساقتاۋ بٶلٸمٸنٸڭ باستىعى, "شىعىس" ٶڭٸرلٸك قولباسشىلىعى ەسكەرلەرٸ قولباسشىسىنىڭ باسقارماسى شتابى جەدەل باسقارماسىنىڭ باستىعى بولدى.
2010 جىلدىڭ شٸلدەسٸنەن باستاپ 2016 جىلعا دەيٸن "باتىس", "شىعىس" جەنە "وڭتٷستٸك" ٶڭٸرلٸك قولباسشىلىعى ەسكەرلەرٸ قولباسشىسىنىڭ باسقارما شتابتارىنىڭ باستىعى بولدى.
2016 جىلعى ماۋسىمدا پرەزيدەنت ٶكٸمٸ بويىنشا "وڭتٷستٸك" ٶڭٸرلٸك قولباسشىلىعى ەسكەرلەرٸنٸڭ قولباسشىسى بولىپ تاعايىندالدى.
2019 جىلدىڭ مامىرىندا قارۋلى كٷشتەر قۇرلىق ەسكەرلەرٸنٸڭ باس قولباسشىسى بولدى.
