Qorǵanys ministri Nurlan Ermekbaev Shymkent jáne Arys garnizondarynyń quramalaryn, áskeri bólimderi men mekemelerin tekserdi, dep habarlaidy "Ult aqparat".
Qorǵanys vedomstvosynan málim etkendei, ministr N.Ermekbaev tehnikamen shoǵyrlaný aýdanyna jetken Shymkent garnizonyna qarasty áskeri bólimderdiń birin dabyl boiynsha kenetten kóterdi. Sondai-aq qarý-jaraq pen áskeri tehnikanyń saqtalý tártibi men sharttary, oqý-materialdyq bazanyń jai-kúii, áskeri qyzmetshilerdi áleýmettik qamtamasyz etý máseleleriniń iske asyrylýy, infraqurylym jáne tehnikalyq aimaq nysandary tekserildi.
Budan bólek, bólimshelerdiń jeke quramyna Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynyń iske asyrylýynyń negizgi baǵyttary túsindirildi.
«Sapar qorytyndysy boiynsha basshylyq quramalar men áskeri bólimderdiń qolbasshylyǵyna áskeri bólimder men bólimshelerdiń oqý-materialdyq bazasyn, sondai-aq áskeri qalashyqtardyń infraqurylymyn jetildirý, odan ári damytý jóninde naqty tapsyrmalar berildi. Odan basqa, Shymkent qalasynda mektepterdegi áskeri-patriottyq tárbie berýdiń rólin kúsheitý týraly Memleket basshysynyń Joldaýynda aitylǵan talaptardy iske asyrý sheńberinde QR Qorǵanys ministrligi, Shymkent qalasynyń ákimdigi jáne «Jas sarbaz» respýblikalyq áskeri-patriottyq qoǵamdyq qozǵalys arasyndaǵy yntymaqtastyq pen ózara is-qimyl týraly Memorandýmǵa qol qoiyldy», - delingen ministrlik habarlamasynda.
