Qorǵanys ministrliginde kezekti apparattyq keńes ótti, dep habarlaidy "Ult aqparat" vedomstvonyń resmi saityna silteme jasap.
Kún tártibine elimizdiń Qarýly Kúshteriniń tynys-tirshiligindegi sońǵy oqiǵalar men áskerdiń tótenshe jaǵdai rejimi men aldaǵy mindetterdi qamtamasyz etýi boiynsha keń aýqymdy máseleler endi.
Tótenshe jaǵdai rejimi jaǵdaiynda Qorǵanys ministri Nurlan Ermekbaev koronavirýsqa qarsy kúrestiń berilgen qarqynyn báseńdetpeýdi, el azamattarynyń qalypty ómirge tez qaitýy úshin jumysty belsendi ári úilesimdi jalǵastyrýdy tapsyrdy.
Barlyq garnizon bastyqtaryna Qazaqstan Respýblikasynyń Prezidenti – Qarýly Kúshterdiń Joǵarǵy Bas qolbasshysy Qasym-Jomart Toqaevtyń tapsyrmasyn oryndaý úshin dezinfektsiiaǵa erekshe kóńil bólý týraly nusqaý berildi. Bioqorǵaý bólimshelerin qamtamasyz etý úshin dezinfektsiialaý quraldarynyń qorlaryn aldyn ala tolyqtyrý birinshi kezekte tur. 19 naýryzdan bastap áskeri qyzmetshiler jalpy aýdany 66 mln. sharshy metrden asatyn áleýmettik mańyzdy nysandardy, uzyndyǵy 2 myń shaqyrymnan asatyn jol ýchaskelerin óńdedi.
Áskeri bólimshelerdiń densaýlyǵyn qorǵaýǵa qatysty áskeri bólimderdiń sanitarlyq-tazalyq jaǵdaiyn jáne jeke quramnyń talaptardy saqtaýyn baqylaýdy kúsheitý tapsyryldy. Virýsty juqtyrýǵa qarsy is-qimyldyń sapaly uiymdastyrylýyn Qurlyq áskerleri men Almaty garnizony tótenshe jaǵdai jáne karantin rejimin qamtamasyz etý jónindegi is-sharalarǵa tartylǵanda kórsetti. Sondai-aq, sanitarlyq normalardan bólek, onda áskeri qyzmetshilerdiń bailanystary da ajyratylǵan. Osyǵan səikesQurlyq áskerler bas qolbasshysynyń jumysy oń baǵalandy.
Sonymen qatar, keńestiń kún tártibinde aýmaqtyq qorǵanys áskerlerine qatysty is-sharalar da nazardan tys qalmady. Atalmysh bólimsheler Qarýly Kúshterdiń quramyna kiredi. Əskeri mindettilerge jiyndar kezeńinde áskeri qyzmetshilerdiń mártebesi bekitilgen, iaǵni áskeri tártipti, sanitarlyq-profilaktikalyq jáne epidemiiaǵa qarsy sharalardy saqtaý talap etiledi.
Oryn alǵan oqiǵalarǵa sáikes áskeri meditsinany damytý qajettiligine erekshe nazar aýdaryldy. Meditsina qyzmetiniń damý tujyrymdamasyna túzetýler engizý qajet. Álemdegi dəl osy ýaqyttaǵy jaǵdai naýqastardy, dalalyq juqpaly gospitaldardy evakýatsiialaý úshin aviatehnikamen iaǵni, tikushaqtarmen jabdyqtalǵan arnaiy maqsattaǵy meditsinalyq jasaqtardy qurý qajettiligin kórsetti. Erekshe áskeri-meditsinalyq mamandar, onyń ishinde travmatologtardyń, jaq-bet hirýrgtarynyń jáne t.b. bolýy erekshe nazar aýdarýdy talap etedi.
Qazirgi ýaqytta Qarýly Kúshterde COVID-19-ǵa testileýge qabiletti virýsologiialyq zerthanany qurý jónindegi jumysty jandandyrý mańyzdy bolyp otyr.
Budan bólek, áskeri basshylyq Qaraǵandynyń mańynda MiG-31 áskeri ushaǵymen bolǵan apatty muqiiat jáne qysqa merzimde tekserýdi tapsyrdy
Qorǵanys vedomstvosynyń basshysy ushqyshtardyń densaýlyq jaǵdaiyn baqylaýǵa alyp, olardyń otbasylaryna qajetti kómek kórsetýge nusqaý berdi.
Barlyq belgilengen sharalardy oryndaýǵa ministr shuǵyl kirisýdi tapsyrdy.
