Qazaqstan Qorǵanys ministri Nurlan Ermekbaev otstavkaǵa ketti. Bul týraly Memleket basshysynyń baspasóz hatshysy Berik Ýáli málimdedi, - dep habarlaidy "Ult aqparat".
"Memleket basshysy Qasym-Jomart Toqaev Qorǵanys ministri Nurlan Ermekbaevtyń qyzmetten bosatý jónindegi raportyn qarastyryp, onyń ótinishin qabyldady", - dep jazdy Berik Ýáli Facebook-te.
Buǵan deiin qorǵanys ministri Nurlan Ermekbaev Taraz mańyndaǵy áskeri qoimada jarylys bolǵanyn estigennen keiin otstavkaǵa ketý týraly sheshim qabyldaǵanyn aitty.
26 tamyz keshki jetiler shamasynda Jambyl oblysy Baizaq aýdanynda áskeri bólim qoimalarynyń birinde órt shyǵyp, artynsha onnan astam jarylys boldy. Belgili bolǵandai, qoimada injenerlik oq-dári saqtalǵan.
Sońǵy málimet boiynsha tótenshe jaǵdaidan 15 adam qaza tapty. Barlyǵynyń jeke basy anyqtaldy.
Sondai-aq, júzge tarta adam jaraqat aldy, bir adam habar-osharsyz ketti. Qaza tapqandardyń bári – qorǵanys ministrligi men tótenshe jaǵdai ministrligi órt sóndirý bóliminiń qyzmetkerleri.
Jambyl oblysy ákimdiginiń aitýynsha, apat saldarynan 106 turǵyn úi, 12 kommertsiialyq obekt, úsh mektep búlingen. Ákimdik úilerdi eki ai ishinde qalpyna keltirýge ýáde berdi.
Ermekbaev apattyń sebebi retinde úsh nusqa qarastyrylyp jatqanyn aitqan. Olar: jarylysqa qoimada qaýipsizdik talaptarynyń saqtalmaýy, ia himiialyq reaktsiiamen ózdiginen týýy nemese diversiia.
Bul – Ermekbaevtyń qorǵanys ministri qyzmetindegi ekinshi apat. 2019 jyly osyǵan uqsas jaǵdai Túrkistan oblysy Arys qalasynda bolǵan. Ol jerde áskeri qoimada jarylys bolyp, tórt adam qaitys bolǵan, ondaǵan adam jaraqattanǵan. Apat saldarynan ondaǵan myń adam úiin tastap, bosyp ketken.
Jambyl oblysyndaǵy jarylystan keiin 29 tamyz apat kezinde mert bolǵan azamattardy aza tutý kúni bolyp jariialandy. Bul - táýelsiz Qazaqstan tarihyndaǵy onynshy qaraly kún.
Sol kúni Qazaqstan prezidenti Qasym-Jomart Toqaev apattan qaza tapqan qyzmetkerlerdi marapattaý jóninde qaýly shyǵardy.
