Foto:gov.kz
Qorǵanys ministri Rýslan Jaqsylyqov Qazaqstan armiiasyna qatysty aitylatyn synǵa jaýap berdi, - dep habarlaidy Tengrinews.kz saity.
Búkilarmiialyq keńes kýlýarynda jýrnalister Qorǵanys ministrligi basshysynan qazaqstandyqtar nege áskerge barǵysy kelmeitinin surap, áskerge shaqyrylǵandar arasyndaǵy sýitsid pen jazataiym oqiǵalar týraly másele kóterdi.
"Biyl áskerde aman-esen qyzmet etip jatqanyma - 40 jyl. Armiia – qoǵamnyń bir bóligi, ol memlekettiń bir bóligi. Árine, azamattyq qoǵamdaǵy máseleler armiiaǵa da tán. Biraq biz uialmaimyz, odan qoryqpaimyz", - dedi ol jýrnalister suraǵyna jaýap berip.
Jaqsylyqovtyń aitýynsha, Qorǵanys vedomstvosy qazirdiń ózinde armiia qurylymyndaǵy qatelerdi joiý boiynsha jumys istep jatyr.
"Bizde problema jetkilikti. Bizdiń problemamyzdy bizden artyq eshkim bilmeidi. Búgin Prezident "biz beibit memleketpiz, biraq qamsyz otyrýǵa bolmaidy - barlyq jaǵdaiǵa saqadai sai bolýymyz kerek", dedi. Ásker osy úshin kerek", - dedi Jaqsylyqov.
