فوتو:gov.kz
قورعانىس مينيسترٸ رۋسلان جاقسىلىقوۆ قازاقستان ارميياسىنا قاتىستى ايتىلاتىن سىنعا جاۋاپ بەردٸ, - دەپ حابارلايدى Tengrinews.kz سايتى.
بٷكٸلارمييالىق كەڭەس كۋلۋارىندا جۋرناليستەر قورعانىس مينيسترلٸگٸ باسشىسىنان قازاقستاندىقتار نەگە ەسكەرگە بارعىسى كەلمەيتٸنٸن سۇراپ, ەسكەرگە شاقىرىلعاندار اراسىنداعى سۋيتسيد پەن جازاتايىم وقيعالار تۋرالى مەسەلە كٶتەردٸ.
"بيىل ەسكەردە امان-ەسەن قىزمەت ەتٸپ جاتقانىما - 40 جىل. ارمييا – قوعامنىڭ بٸر بٶلٸگٸ, ول مەملەكەتتٸڭ بٸر بٶلٸگٸ. ەرينە, ازاماتتىق قوعامداعى مەسەلەلەر ارميياعا دا تەن. بٸراق بٸز ۇيالمايمىز, ودان قورىقپايمىز", - دەدٸ ول جۋرناليستەر سۇراعىنا جاۋاپ بەرٸپ.
جاقسىلىقوۆتىڭ ايتۋىنشا, قورعانىس ۆەدومستۆوسى قازٸردٸڭ ٶزٸندە ارمييا قۇرىلىمىنداعى قاتەلەردٸ جويۋ بويىنشا جۇمىس ٸستەپ جاتىر.
"بٸزدە پروبلەما جەتكٸلٸكتٸ. بٸزدٸڭ پروبلەمامىزدى بٸزدەن ارتىق ەشكٸم بٸلمەيدٸ. بٷگٸن پرەزيدەنت "بٸز بەيبٸت مەملەكەتپٸز, بٸراق قامسىز وتىرۋعا بولمايدى - بارلىق جاعدايعا ساقاداي ساي بولۋىمىز كەرەك", دەدٸ. ەسكەر وسى ٷشٸن كەرەك", - دەدٸ جاقسىلىقوۆ.
