Qorǵanys ministri general-leitenant Rýslan Jaqsylyqov basshylyq etken komissiia Almaty jáne Qapshaǵai garnizondaryna jumys babymen bardy. Bul týraly QazAqparat QM silteme jasap habarlaidy.
Qorǵanys vedomstvosynyń komissiiasy quramynda – Qurlyq áskerleriniń bas qolbasshysy general-maior Talǵat Qoibaqov, Radiatsiialyq, himiialyq, biologiialyq qorǵaý jáne ekologiialyq qaýipsizdik, Injenerlik áskerler, Strategiialyq josparlaý, Tárbie jáne ideologiialyq jumystar departamentteriniń, Áskeri infraqurylym, Áskeri politsiia, Oq-dáriler bas basqarmalarynyń ókilderi de bar.
Qorǵanys vedomstvosy el basshylyǵynyń Qarýly Kúshterdi reformalaý jónindegi birinshi kezektegi mindetterin iske asyrý jóninde sharalar qabyldaýda. Qorǵanys ministrliginiń basshylyq quramymen ótken keńeste Qazaqstan Prezidenti Qasym-Jomart Toqaevtyń bergen tapsyrmalaryn oryndaý aiasyndaǵy jumys sapary barysynda áskerlerdiń jaýyngerlik ázirligine, tehnikalyq jáne jaýyngerlik jaraqtandyrylýyna basty nazar aýdaryldy.
Desanttyq-shabýyldaý áskerlerinde bólim komandirleri brigadalardyń jaýyngerlik múmkindikteri, maqsaty boiynsha tapsyrmalardy oryndaý tártibi, sondai-aq daǵdarysty jaǵdailar týyndaǵan kezde bólimshelerdi qoldaný máseleleri jóninde baiandady.
Áskerlerdi zamanaýi qarý-jaraqpen jáne áskeri tehnikamen jabdyqtaýǵa, sondai-aq áskeri infraqurylymdy damytýǵa erekshe nazar aýdaryldy. Áskerlerdiń jaýyngerlik qabiletin kúsheitý osy mindetterdi sheshýge tikelei bailanysty.
Qorǵanys vedomstvosynyń basshysy qoimalarda oq-dárilerdi saqtaý sharttaryn tekserdi. Komandirler áskeri obektiler men jaqyn mańdaǵy eldi mekenderdiń qaýipsizdigin qamtamasyz etý sharalarynyń oryndalý barysyn baiandady.
Memleket basshysy oq-dárilerdi qaýipsiz saqtaýdy qamtamasyz etý, sondai-aq paidalanýǵa jaramsyz jáne odan ári saqtaýǵa qaýiptilerin kádege jaratý jónindegi sharalardy iske asyrýdy jalǵastyrý qajettigine nazar aýdardy. Qorǵanys vedomstvosy iske asyryp jatqan «Qaýipsiz el» ulttyq jobasynyń basty maqsaty – azamattar men memlekettiń qaýipsizdigin qamtamasyz etý.
Qurlyq áskerleriniń áskeri institýtynda general-leitenant Rýslan Jaqsylyqov oqý-tárbie úrdisiniń uiymdastyrylýymen, kýrsanttardyń turmys-tirshiligimen tanysty. Qarýly Kúshterdiń ardagerlerimen kezdesti. Eńbek demalysynda bolsa da olar armiianyń tynys-tirshiligine belsendi túrde qyzyǵýshylyq tanytyp, jastardy áskeri-patriottyq tárbieleýge jáne olardyń áskeri qyzmetke degen yntasyn arttyrýǵa eleýli úles qosyp keledi.
Budan ózge, Qorǵanys ministri áskeri qyzmetshilerdiń otbasy múshelerimen jumys jónindegi qyzmet basshylyǵymen áńgimelesip, sheshýdi qajet etetin ózekti áleýmettik máselelerdi talqylady.
