Qorǵaljyn qoryǵyndaǵy Saýmalkól kólinde 5000-ǵa jýyq qoqiqaz videoǵa túsirildi, - dep habarlaidy Kaz.tengritravel.kz tilshisi Qazaqstan bioalýantúrlilikti saqtaý qaýymdastyǵynyń Instagram jelisindegi paraqshasyna silteme jasap.
Qaýymdastyq málimetinshe, qoqiqazdan basqa, videoda Qazaqstannyń Qyzyl kitabyndaǵy basqa da qustardy - aqqý men aqbas úirekterdi kórýge bolady. Sonymen qatar, jaǵada kameraǵa túspei qalǵan 500-ge jýyq tyrnalar baiqaldy.
Jyldyń osy ýaqytynda toǵandaǵy qustardyń ártúrliligi jyl saiyn atap ótiledi.
"Kóktemde kólde erigen sý kóp, al jazdyń ortasyna qarai sý deńgeii tómendeidi, kólde úirek, qumsalǵysh, sondai-aq qoqiqazdyń túrleri jinalady. Taiaz kólderdegi sý jaqsy jylynyp, baldyrlar tez kóbeiedi, bul kóshi-qon bastalǵanǵa deiin olarmen qorektenetin jáne kúsh alatyn qustardy tartady", - dep túsindirdi qaýymdastyqtaǵylar.
Video: Aleksandr Pýtilin
