BJZQ-ǵa (zeinetaqy qory) salynǵan azamattardyń jiyntyq aqshasynyń ósimi tutyný taýarlary baǵasynyń ósiminen tómen bolyp otyr. Naqty aitqanda, ústimizdegi jyldyń úsh toqsanynda BJZQ-ǵa 7 trln. 539 mlrd. teńge jinaqtalsa, solardyń úsh toqsandaǵy ósimi 462 mlrd. teńge, iaǵni 6,1% bolǵan. Al osy ýaqyttaǵy infliatsiianyń ósimi 7,1% boldy. Demek, BJZQ salymynyń ósimin infliatsiia túgel jep qoiýmen qatar jinaqtalǵan qarajatqa da aýyz salǵan...
Janar-jaǵar mai baǵasynyń artýymen, teńgeniń álsizdene túsýinen infliatsiia kúsheiip, jinaqtalǵan qarajat ósiminiń tómendei túsýin boljaý qiyn emes. Qabyldanǵan zańdarymyz jinaqtalǵan qarajattyń infliatsiiadan saqtalýyna kepildik beredi. Biraq tólenetin ótemaqy túsim men infliatsiianyń aiyrmasynan aspaidy. Sondyqtan BJZQ salymyna eshqandai ósim bolmaidy degen sóz.
Onyń ósimi tipti bankilerdegi qatardaǵy depozitterden de kem. Olar BJZQ ósimine qaraǵanda eki ese artyq ósim bere alady. Osynyń ózi BJZQ qarajaty kiristeri tómen jerlerge quiylyp jatqanyn kórsetip tur. Búgingi tańda onyń qarajaty memlekettik, kvazimemlekettik qurylymdar jáne ekinshi deńgeilegi bankterdiń obligatsiialaryn, sonymen qatar shet memleketterdiń qundy qaǵazdaryn satyp alýǵa jumsalyp otyr. Taǵy bir bóligi otandyq jáne sheteldik bankterge depozit retinde salynýda.
Májilistegi «Halyqtyq kommýnister» fraktsiiasy atynan depýtat Aiqyn Qońyrov palatanyń jalpy otyrysynda osy máselelerdi aityp, azamattarymyzdyń zeinetaqyǵa jinaqtap otyrǵan qarajatynyń ósimi bolmaǵanyna jáne osy qarajattyń kirisi tómen biznesterdi eshkimge bildirmei ishinara qarjylandyryp otyrýǵa jumsalatynyna alańdaýshylyq bildirip, Ulttyq bank tóraǵasy D.Aqyshev pen Qarjy ministri B.Sultanovtyń tómendegi suraqtarǵa jaýap berýin talap etip otyr:
1. 2014-2017 jyldar aralyǵynda BJZQ investitsiialyq kirisi árbir jyl boiynsha qansha bolǵandyǵy týraly derek berýdi;
2. Zeinetaqylyq jinaq qarajatynyń kirisi búgingi kúni qalai esepteletinin kórsetýdi;
3. Osy 2014-2017 jyldar aralyǵynda jinaqtalǵan zeinetaqy somasyna infliatsiiaǵa bailanysty biýdjetten tólenetin ótemaqy kólemi qansha bolǵandyǵyn aitýdy;
4. Taza investitsiialyq kiris deńgeii boiynsha orta kezeńge arnalǵan maqsatty baǵdar týraly habarlaýdy;
Bul máseleler halyq qalaýlylarynyń BJZQ qarajatynyń aman saqtalýyna azdy-kóp baqylaý jasaýdyń amaldary ekeni sózsiz.
S.ELEÝ, sarapshy
