QR Syrtqy ister mininstriliginde Ońtústik Koreiada kishkentai balany kólikpen qaǵyp ketý kúdigine ilikken qazaqstandyqqa qatysty tyń málimetter aityldy, dep habarlaidy QazAqparat.
«Bul oqiǵa rezonansty sipatqa ie boldy. Bizdiń konsýl tergeýshimen jáne bizdiń azamatpen de eki ret kezdesti. Ol qamaýda ustaý jaǵdaiyna shaǵym aitpaǵan, sondai-aq jergilikti tergeý sharalary tarapynan qysym kórsetilmegen. Bastapqyda oǵan Ońtústik Koreia tarapynan memlekettik advokat usynyldy. Qazirgi kezde jeke advokatty jaldaý qarastyrylyp jatyr», - dedi QR Syrtqy ister ministrliginiń resmi ókili Aibek Smadiiarov vedomstvoda ótken brifingte.
Onyń sózine qaraǵanda, Seýldegi Qazaqstan elshiligi bilikti qorǵaýshyny izdestirý turǵysynda barlyq qajetti sharalardy atqarýda.
«Tergeýshimen kezdesý qorytyndysy boiynsha oǵan birneshe aiyp taǵyldy. Osy oraida oqiǵa ornynan qashý, kólik quralyn tirkeý kezinde mindettemelerdi buzý, saqtandyrýdyń joqtyǵy, sondai-aq júrgizýshilik kýáliktiń bolmaýy sekildi aiyptar aityldy. Jalpy, korei jaǵynyń málimetterine qaraǵanda, oǵan bes jylǵa deiin bas bostandyǵynan aiyrý nemese tiisti deńgeidegi aiyppul somasy túrindegi jaza berilýi múmkin», - dedi resmi ókil.
Eske sala keteiik, biraz ýaqyt buryn Qazaqstan azamaty Ońtústik Koreiada kishkentai balany qaǵyp, oqiǵa ornynan izin sýytqan edi.
Keiin onyń Pavlodarda júrgeni belgili boldy.
14 qazanda Qazaqstan azamaty tergeý is-sharalaryna qatysý úshin Seýl qalasyna óz erkimen ushyp bardy.
