قر سىرتقى ٸستەر مينينسترٸلٸگٸندە وڭتٷستٸك كورەيادا كٸشكەنتاي بالانى كٶلٸكپەن قاعىپ كەتۋ كٷدٸگٸنە ٸلٸككەن قازاقستاندىققا قاتىستى تىڭ مەلٸمەتتەر ايتىلدى, دەپ حابارلايدى قازاقپارات.
«بۇل وقيعا رەزونانستى سيپاتقا يە بولدى. بٸزدٸڭ كونسۋل تەرگەۋشٸمەن جەنە بٸزدٸڭ ازاماتپەن دە ەكٸ رەت كەزدەستٸ. ول قاماۋدا ۇستاۋ جاعدايىنا شاعىم ايتپاعان, سونداي-اق جەرگٸلٸكتٸ تەرگەۋ شارالارى تاراپىنان قىسىم كٶرسەتٸلمەگەن. باستاپقىدا وعان وڭتٷستٸك كورەيا تاراپىنان مەملەكەتتٸك ادۆوكات ۇسىنىلدى. قازٸرگٸ كەزدە جەكە ادۆوكاتتى جالداۋ قاراستىرىلىپ جاتىر», - دەدٸ قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ ۆەدومستۆودا ٶتكەن بريفينگتە.
ونىڭ سٶزٸنە قاراعاندا, سەۋلدەگٸ قازاقستان ەلشٸلٸگٸ بٸلٸكتٸ قورعاۋشىنى ٸزدەستٸرۋ تۇرعىسىندا بارلىق قاجەتتٸ شارالاردى اتقارۋدا.
«تەرگەۋشٸمەن كەزدەسۋ قورىتىندىسى بويىنشا وعان بٸرنەشە ايىپ تاعىلدى. وسى ورايدا وقيعا ورنىنان قاشۋ, كٶلٸك قۇرالىن تٸركەۋ كەزٸندە مٸندەتتەمەلەردٸ بۇزۋ, ساقتاندىرۋدىڭ جوقتىعى, سونداي-اق جٷرگٸزۋشٸلٸك كۋەلٸكتٸڭ بولماۋى سەكٸلدٸ ايىپتار ايتىلدى. جالپى, كورەي جاعىنىڭ مەلٸمەتتەرٸنە قاراعاندا, وعان بەس جىلعا دەيٸن باس بوستاندىعىنان ايىرۋ نەمەسە تيٸستٸ دەڭگەيدەگٸ ايىپپۇل سوماسى تٷرٸندەگٸ جازا بەرٸلۋٸ مٷمكٸن», - دەدٸ رەسمي ٶكٸل.
ەسكە سالا كەتەيٸك, بٸراز ۋاقىت بۇرىن قازاقستان ازاماتى وڭتٷستٸك كورەيادا كٸشكەنتاي بالانى قاعىپ, وقيعا ورنىنان ٸزٸن سۋىتقان ەدٸ.
كەيٸن ونىڭ پاۆلوداردا جٷرگەنٸ بەلگٸلٸ بولدى.
14 قازاندا قازاقستان ازاماتى تەرگەۋ ٸس-شارالارىنا قاتىسۋ ٷشٸن سەۋل قالاسىنا ٶز ەركٸمەن ۇشىپ باردى.
