Ekijaqty yntymaqtastyqty odan ári damytý maqsatynda «Báiterek» holdinginiń delegatsiiasy Koreia Respýblikasyna jumys saparymen bardy, dep habarlaidy QazAqparat.
Holdingtiń Basqarma tóraǵasynyń orynbasary Ánýar Omarqojaev bastaǵan delegatsiia quramynda «Báiterek» UBH» AQ delegatsiiasy Holdingtiń Basqarýshy direktory - Basqarma múshesi Ainur Qýatova jáne Kazyna Capital Management, Kazakhstan Project Preparation Fund, Qazaqstannyń Damý Banki, Turǵyn úi qurylysyna kepildik berý qory enshiles uiymdarynyń basshylary boldy.
Sapar baǵdarlamasy Koreianyń KOLON Investment, Koreianyń Sheteldik qala infraqurylymyn damytý korporatsiiasy, EximBank, Hyundai E&C, Koreialyq damý institýty (KDI), K-Sure saýdany saqtandyrý korporatsiiasy, Koreianyń investitsiialyq korporatsiiasy (KIC), Turǵyn úi jáne qalany damytý kepildigi korporatsiiasy, SK Lubricants, Korei tehnologiialyq damý institýty (KIAT) siiaqty iri korporatsiialarymen iskerlik kezdesýlerdi jáne birlesken jobalardy qoldaý boiynsha biznes-seminardy qamtidy.
Osy kezdesýler barysynda meditsina, energetika, sondai-aq memlekettik-jekeshelik áriptestik mehanizmin qoldanatyn turǵyn úi jáne áleýmettik infraqurylym salasyndaǵy birlesken jobalardy iske asyrý máseleleri talqylandy. Holdingtiń qoldaýymen Qazaqstanda jobalarǵa qatysý úshin birneshe koreialyq kompaniialarmen ýaǵdalastyqqa qol jetkizildi.
Korei Saýda-ónerkásip palatasy men Qazaqstannyń Koreiadaǵy Elshiligi uiymdastyrǵan «Báiterek» holdingi kompaniialar tobynyń qazaqstandyq-koreialyq jobalaryn qarjylai jáne qarjylyq emes qoldaý» atty biznes-seminarǵa qatysqan korei kásipkerleri, ásirese Túrkistan oblysyndaǵy jol qurylysy jobasyna óz qyzyǵýshylyqtaryn bildirdi.
«Báiterek» holdingi basqarmasy tóraǵasynyń orynbasary Ánýar Omarqojaev óz baiandamasynda Ońtústik Koreianyń qatysýymen 500-den astam kompaniia Qazaqstanda belsendi jumys istep jatqanyn atap ótti.
- Bul bizdiń elimizge Koreia biznesiniń joǵary senimin bildiredi. Koreia Respýblikasy densaýlyq saqtaý, bilim berý, turǵyn úi qurylysy, aqparattyq jáne ǵylymi tehnologiialar salasynda jobalardy iske asyrýda mol tájiribege ie. Osyǵan orai birlesken biznes-bastamalardy júzege asyrý úshin koreialyq biznesti Qazaqstanǵa shaqyramyn», - dedi Holding Basqarmasy tóraǵasynyń orynbasary.
