Foto: aumishop.ru
Koreialyq bet kútimi ádette 10 qadamnan turady. Bet kútiminiń bul túrinde terini tereń tazalap, ylǵaldandyryp, qorektendirý birdei qarastyrylǵan. Sondyqtan koreilikterdiń bet terisi óte taza, saý kórinedi, ári jyltyrap turady. Bul týraly Ult.kz habarlaidy.
Koreialyqtardyń áielderi ǵana emes, erleri de bet kútimine asa mán beredi. Sondyqtan Ońtústik Koreia kosmetika brendteri erler men áielderdiń teri erekshelikterine qarai erler jáne áielderge arnalǵan dep te kútim kosmetikasyn shyǵarady. Bet kútiminiń 10 qadamyn halyqtyń basym kópshiligi úzbei oryndap otyrýǵa tyrysady.
1 qadam: Makiiaj ben kúnnen qorǵaityn krem qaldyqtaryn eritetin maily tazartqysh korei áielderiniń ǵana emes, erleriniń de kúndelikti qoldanysynda bar.
2 qadam: Bet tazalyǵyna asa mán beretin kárister teridegi artyq mai men kirdi ketirý úshin ádette betti gel nemese kóbikpen jýady.
3 qadam: Koreia turǵyndary aptasyna 1–2 ret óli jasýshalardy jumsaq túrde alyp tastaý úshin piling nemese skrab qoldanýdy jón kóredi.
4 qadam: Teriniń rN deńgeiin qalpyna keltirip, keiingi kútimge daiyndaidy. Ol úshin tonerdi betke jaǵý kerek.
5 qadam: Essentsiia qoldaný kúndelikti jasalatyn bet kútimi ritýaldarynyń biri. Ol terini ylǵaldandyryp, regeneratsiia protsesin bastaý úshin qajet.
6 qadam: Sarysý — pigment, bezeý, ájim siiaqty naqty máselelerge baǵyttalǵan belsendi quram.
7 qadam: Ádette aptasyna 2–3 ret terini tereń ylǵaldandyryp, qorektendirip jáne nárlendirý úshin maska jasaǵan jón.
8 qadam: Juqa, ári názik terige koreialyqtar erekshe kútim jasaidy. Kóz ainalasyna arnalǵan kremdi ájim men qara sheńberdiń aldyn alý úshin kúndelikti qoldanýǵa bolady. Aitpaqshy, kóz ainalysyna arnalǵan patchidi de aptasyna 1-2 ret qoldanyp turǵan abzal.
9 qadam: Qoldanylǵan barlyq ónimderdiń áserin ustap turý úshin jáne bet terisin qorektendirip, ylǵaldy saqtaý úshin betke arnalǵan ylǵaldandyrǵysh krem jaqqan durys.
10 qadam: Kúndizgi kútimniń eń mańyzdy bóligi, terini ýltrakúlgin sáýlelerden qorǵaý úshin kúndelikti tańerteń betke kúnnen qorǵaityn krem, iaǵni SPF kremin jaqqan jón.
Bet kútimi ritýaly tańǵy jáne keshki bolyp bólinetinin aita ketken mańyzdy.
Tańǵy kútim: Betti gel nemese kóbikpen jýý, toner, sarysý nemese essentsiia, Ylǵaldandyrǵysh krem jáne Kúnnen qorǵaityn, iaǵni SPF krem jaǵý mindetti.
Keshke, uiqyǵa jatar aldyndaǵy bet kútimi: Makiiaj ben SPF kremdi maily tazartqyshpen ketirý kerek. Toner, sarysý nemese essentsiia, kózge arnalǵan krem, betke arnalǵan krem.
