Qordaidaǵy janjaldan keiin 8 aqpan kúngi derek boiynsha, Qazaqstannan Qyrǵyzstanǵa qarai shamamen 4500 adam shekarany kesip ótti, dep habarlady qupiia derekkózge súiengen Azattyqtyń Qyrǵyz qyzmeti. Jaqyn arada bul kórsetkish ulǵaiýy múmkin. Qyrǵyzstannyń resmi organdary ázirge bul aqparatty rastamady.
Buǵan deiin shekaradaǵy baqylaýdy kúsheitken Qyrǵyzstannyń memlekettik shekara qyzmeti Qazaqstannan kelgenderdiń bárin koronavirýsqa bailanysty teplovizormen tekserip jatqanyn aitty. Shekaradan ótkenderdiń basym bóligi - balalaryn jetektegen áielder men qarttar.
"Ken-Býlýk - avtojol", "Tokmok - avtojol" baqylaý ótkizý pýnktinen ótkisi kelgender sany áli de azaimai otyr. Azattyq tilshisiniń aitýynsha, 8 aqpanda Qazaqstan jaǵyndaǵy ótkizý pýnktiniń aldynda ondaǵan adam kezekte turǵan.
Qazaqstannyń shekara qyzmeti ázirge oqiǵaǵa bailanysty túsinikteme bermedi.
Aqpannyń 7-si kúni Jambyl oblysy Qordai aýdanyndaǵy birneshe eldi mekende turǵyndar arasynda janjal boldy. Politsiia "Adam óltirý" jáne "Tártipsizdik uiymdastyrý" baby boiynsha qylmystyq ister qozǵady.
Azattyqtyń Qyrǵyz qyzmetiniń habarlaýynsha, janjaldan keiin 17 qazaqstandyq Toqmaq aýrýhanasyna túsken. Olardyń 10-y sol aýrýhanaǵa jatqyzylǵan. Ekeýi Bishkekke áketilgen. Zardap shekkenderdiń bir bóligi Qordai aýdandyq ortalyq aýrýhanasyna jatqyzylǵan.
