Ishki ister ministriniń orynbasary Aleksei Kalaichidi Qordaidaǵy oqiǵa kezinde naqty qansha adamnyń ustalǵanyn aita almaitynyn málim etti, dep habarlaidy QazAqparat.
«Rasynda da, basynda 47 adam ustalǵan edi. Oqiǵa túnde tirkeldi. Buǵan deiin aitqanymyzdai, ol jerde «haip ustap qalýdy» oilaǵan adamdar da bolǵan. Keibireýler ártúrli pikirler taratqan. Sol sebepti ustalǵandardyń sany alǵashqyda aitylǵannan da kóp. Bári tekserilip, jaýap alynyp jatyr. Olardyń osy oqiǵaǵa qanshalyqty qatysy bary anyqtalýda. Naqty qansha adamnyń ustalǵanyn qazir aita almaimyn. Ol jerde jedel tergeý amaldary júrgizilýde. Menińshe, qansha adamnyń ustalǵany búgin naqty aitylady», - dedi Aleksei Kalaichidi OKQ-da ótken baspasóz máslihatynan keiin tilshilerge.
Onyń aitýynsha, segiz adam oqiǵa ornynda, al ekeýi meditsinalyq mekemede kóz jumǵan.
«Áli de jansaqtaý bóliminde jatqandar bar. Úimen birge azamattardyń qujattary da órtenip ketken. Sol sebepti biz aýdan ortalyǵynda qujatt qalpyna keltiretin kóshi-qon pýnktin ashyp qoidyq», - dedi ol.
Al qansha azamattyń qyrǵyz shekarasyna ótip ketkeninen Aleksei Kalaichidi habarsyz bolyp shyqty.
«Biz tek oqiǵanyń ishinde jumys júrgizip jatyrmyz», - dedi ol.
