Qordai aýdany Masanchi aýylyndaǵy órtengen ǵimarattyń ishinen tabylǵan máiittiń kim ekendigi belgili boldy, dep habarlaidy "Ult aqparat".
Bul týraly oblystyq politsiia departamentiniń baspasóz qyzmeti habarlady.
«Aǵymdaǵy jyldyń 11 aqpanynda Masanchi aýylyndaǵy órtengen saýda ǵimaratynan tabylǵan adam súiekterine qatysty júrgizilgen genetikalyq saraptama nátijeleri boiynsha kóz jumǵan adamnyń jeke basy anyqtaldy. Ol habar-osharsyz ketken 20 jastaǵy Murat Masanov bolyp shyqty. Onyń joǵalǵany týraly politsiiaǵa 9 aqpan kúni ákesi xabarlaǵan», - delingen vedomstvo málimdemesinde.
Sondai-aq, adam óliminiń mán-jaiy búgingi tańda júrgizilip jatqan sotqa deiingi tergep-tekserý barysynda anyqtalmaq.
