Qazaqstan-Qyrǵyzstan memlekettik shekarasyndaǵy «Qordai» ótkizý beketi jańǵyrtylady. Bul jaiynda QR Premer-Ministri Baqytjan Saǵyntaevtyń Májilis depýtattarynyń resmi saýalyna berilgen jaýabynda aitylǵan, dep habarlaidy "Ult aqparat".
«Indýstriia jáne infraqurylymdyq damý ministrligi qazaq-qyrǵyz shekarasyndaǵy «Qordai» ótkizý beketin jańǵyrtýdyń jobalyq-smetalyq qujattamasyn ázirleý jumystaryn júrgizip jatyr. Jańǵyrtý jumystaryn bastaý aǵymdaǵy jyldyń sońyna qarai josparlanǵan», - dedi Úimet basshysy.
Sonymen qatar Premer-Ministr qazaq-qyrǵyz shekarasyndaǵy qalǵan alty bekettiń jańǵyrtý jumystaryn qajet etpeitindigin, kólik quraldary men jolaýshylardyń úzdiksiz ary-beri ótýin qamtamasyz etetindigin atap ótken.
