Qazaqstanda turyp jatqan barlyq ulttar, etnikalyq toptar shyndyǵyna kelgende bir ult sanalady. Bul jaiynda Qazaqstan Prezidenti Qasym-Jomart Toqaev informburo.kz aqparattyq-saraptamalyq portalyna bergen ekskliýzivti suhbatynda aitty, dep habarlaidy QazAqparat.
«Erteń, 1 naýryzda Jambyl oblysyna jumys saparymen baramyn. Qordai aýdanynyń qazaqtar men dúngender turatyn aýyldarynyń turǵyndarymen kezdesýdi josparlap otyrmyn. Biz ultaralyq, etnosaralyq qarym-qatynas máselesindegi amaldarymyzdy qaita oi eleginen ótkizýge tiisti ekendigimiz sózsiz. Qazaqstan dostyq pen kelisim aýmaǵy boldy jáne bolyp ta qala beredi. Bizdiń uranymyz: san alýandyqtaǵy birlik. Osy jerde turyp jatqan barlyq ulttar, etnikalyq toptar shyndyǵyna kelgende bir ult sanalady. Sheteldi bizdi «qazaqtar« dep biledi. Óitkeni, bizdiń memleketimizdiń ataýy dál osy sózden astasyp jatyr», - dedi QR Prezidenti.
Memleket basshysy Qazaqstanda turaqty turatyn árbir etnostyń ózindik ereksheligine nuqsan keltirmeýi tiistigin basa aitty.
«Olardyń barlyǵy ózderiniń tilderin oqyp, qoldanýǵa, mádenietterin damytyp, ádet- ǵuryptaryn saqtaýǵa quqylary bar jáne bolyp ta qala beredi. Buǵan qosa, qazaq tili de jedel damýy tiis. Ol bolashaqta shyn máninde ultaralyq bailanys tiline ainalýy tiis. Bizge álemdik ǵylym men mádeniet bilimine jol ashqan orys tiliniń tarihi mánin tómendetip otyrǵanym joq. Qazaqstan turǵyndary ony joǵary deńgeide bilýi tiis. Munyń bizge tek paidasy bar», - dedi Qasym-Jomart Toqaev.
