Elordada «Qazaqstan etnostary: elimizdiń damýyna qosqan úlesteri. Biz birgemiz» atty respýblikalyq ǵylymi-tájiribelik konferentsiia ótip jatyr, dep habarlaidy "Ult aqparat".
Sharany QR Aqparat jáne qoǵamdyq damý ministrligi men «Rýhani jańǵyrý» Qazaqstandyq qoǵamdyq damý institýty» KeAQ birlesip uiymdastyrdy.
«Búgingi is-sharanyń osy taqyrypqa arnalýy kezdeisoq emes. Ózderińizge belgili, syn saǵattarda qazaq jerine kelgen kóptegen ult ókili bizdiń halqymyzdyń qamqorlyǵy men meiirimine bólendi. Óz kezeginde, olar da elimizdiń áleýmettik, mádeni, ekonomikalyq damýyna ólsheýsiz úles qosty, áli de qosyp kele jatyr. Jasyratyny joq, egemendik alǵan soń keibir postkeńestik elder durys etnosaralyq saiasat júrgizbeýi saldarynan sapaly mamandaryn joǵaltyp, damý qarqyny ondaǵan jyldarǵa shegerildi. Elbasy Nursultan Ábishuly Nazarbaev kóregen etnosaralyq saiasat júrgizdi, álemde teńdesi joq organ – Qazaqstan halqy Assambleiasyn qurdy. Osylaisha, bizder – ár alýandyǵymyzdy artyqshylyǵymyzǵa ainaldyrdyq», - dedi Aqparat jáne qoǵamdyq damý ministri Dáýren Abaev.
Osy oraida ministr búgingi Qazaqstannyń damý baǵyty, Prezident Qasym-Jomart Toqaevtyń saiasaty da osy qol jetkizilgen jetistikterdi saqtaýǵa, odan ári damytýǵa negizdelgenin atap ótti
Konferentsiia qatysýshylary «Bir halyq – bir el – bir taǵdyr» qaǵidaty boiynsha biriktirý faktorlaryn izdestirý, tarihi sanany qalyptastyrý arqyly ulttyń biregei kodyn saqtaý máselesin talqylady.
Is-shara aiasynda «Qazaqstan etnostarynyń Qazaqstan halqynyń jalpy tarihi-mádeni murasyna qosqan úlesin zerdeleý» atty zertteý jumysynyń nátijeleri el damýyna eleýli úles qosqan 50 kórnekti tulǵadan turatyn biregei málimetter bazasy túrinde usynylady. Olardyń arasynda kompozitor, professor Brýsilovskii Evgenii Grigorevich, ańyzǵa ainalǵan folklorist, etnograf, kompozitor Zataevich Aleksandr Viktorovich te bar.
Aita ketý kerek, HH ǵasyrdyń basy men ortasynyń mádeniet jáne qoǵam qairatkerlerimen qatar, eńbekte Gerold Belger, Nina Patrýsheva, Anatolii Hrapatyi, Denis Ten jáne basqa da qazirgi Qazaqstannyń damýyna úles qosqan qazaqstandyqtardyń eńbegi atap ótildi.
