Kópbalaly otbasylar tarapynan biznes kýrstarǵa degen suranys artty. Ulttyq qoǵamdyq senim keńesiniń tórtinshi otyrysynda keńes múshesi Lázzat Qojahmetova málim etti, dep habarlaidy QazAqparat.
«Barlyq aimaqtarda memlekettik tapsyryspen kópbalaly analardy qoldaityn «Baqytty otbasy» jáne «Januia» degen ortalyqtar ashyldy. Bul ortalyqtar tek konsýltatsiia berý deńgeiinde qalyp otyr. Qazir konsýltatsiiany ákimder de, basqarma basshylary da, ministrlerde de tikelei efirge shyǵyp, ózderi berip otyr. Iaǵni, bul ortalyqtardyń jumysyn keleshekte qaitadan qarastyrýdy suraimyz», - dedi L. Qojahmetova.
Onyń sózine qaraǵanda, kópbalaly otbasylarǵa kásipkerlik negizderin úiretetin «Atameken» palatasynda «Bastaý Biznes» kýrstary bar. Biyl bul kýrstarǵa óte kóp suranys boldy. Biraq tamyz aiynda bul kýrstarǵa qabyldaý toqtap qaldy. Osy oraida atalǵan kýrstarǵa bailanysty oryn sanyn kóbeitý usynysy jasaldy.
«Oqyǵan adamda kásipker bolýǵa, masyldyqtan arylýǵa, ataýly áleýmettik kómek pen járdemaqylardan bas tartýǵa degen qulshynys ári yntalaný paida bolady. Bul kýrstardy oqytqan kezde «Atameken» palatasynyń biznestegi qazaqsha tili óte aýyr. Sondyqtan osy jaǵyna jáne testilerge nazar aýdarsa deimiz», - dedi ol.
Qojahmetovanyń paiymynsha, kópbalaly otbasylarǵa beriletin qaitarymsyz granttardyń kóbeitý kerek.
