23 shilde kúni QR Bilim jáne ǵylym ministrliginde kópbalaly analardan quralǵan bastamashyl top músheleri QR-daǵy Bala quqyqtary jónindegi ýákil Arýjan Sainmen kezdesti, dep habarlaidy "Ult aqparat".
Ministrlikten málim etkendei, júzdesý barysynda balalardyń quqyqtaryn qorǵaý salasyndaǵy ózekti máselelerdi birlesip talqylaý úshin platforma qurý kelisildi.
Kezdesýge QR Bilim jáne ǵylym vitse-ministri Bibigúl Asylova, Densaýlyq saqtaý, Ishki ister ministrlikteriniń, QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń ókilderi qatysty.
«Jiynǵa qatysýshylar dialog barysynda balalardyń qaýipsizdigi úshin jaýapkershilikti kúsheitetin jáne kámelet jasqa tolmaǵandardyń jynystyq qol suqpaýshylyǵyna qatysty qylmystarǵa jazany qataitatyn túzetýlerdi ulttyq zańnamaǵa engizý múmkindigin talqylady», - dedi ministrlikten.
