Foto: Akorda.kz
Memleket basshysy Ekibastuz qalasynyń jylytý maýsymyna daiyndyq barysymen tanysty, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaevtyń Pavlodar oblysyna jumys sapary Ekibastuz qalasyndaǵy jylý elektr ortalyǵyn aralap kórýden bastaldy.
Prezident jylý elektr ortalyǵynda júrgizilip jatqan jóndeý jumystaryn tekserdi.
Oblys ákimi Asaiyn Baihanovtyń baiandaýynsha, tehnikalyq aýdit nátijesinde Ekibastuz JEO aktsionerlerimen birlese qalany jylýmen qamtamasyz etý máselelerin sheshý jónindegi is-qimyl jospary daiyndalyp, bekitildi. «OAEK» kompaniiasy jylý jelileriniń ábden tozyǵy jetken ýchaskeleri boiynsha jobalyq-smetalyq qujattamany jáne JEO-daǵy jóndeý jumystaryna qatysty tehnikalyq sheshimderdi ázirledi.
Josparǵa sáikes «OAEK» AQ-nyń jeke qarjysy (8,2 mlrd teńge) jáne Úkimet rezervi men oblystyq biýdjetten bólingen qarajat esebinen (8,5 mlrd teńge) barlyq 10 qazandyq agregaty (5 bý jáne 5 sý jylytý) jóndeledi.
Nysannyń jai-kúiimen tanysqan Prezident Úkimet pen oblys ákimine Ekibastuz JEO-synyń qyzmetin qalpyna keltirý jumystarynyń sapasy men merzimin airyqsha baqylaýǵa alýdy tapsyrdy.
– Jaǵdai kúrdeli. Kóp nárse tozǵan. Bul máselemen júieli túrde ainalysyp, árqashan baqylaýda ustaý qajet. Byltyr qysta bolǵan jaǵdai osy qalada da nemese basqa qalada da qaitalanbaýy kerek. Bul – Úkimet pen barlyq ákimderdiń jaýapkershiligi. Bolǵan jaǵdaidan ashy sabaq aldyq. El azamattary men atalǵan qalalardyń turǵyndaryna shydamdylyq pen túsinistik tanytqany úshin alǵys aitý kerek. Biraq únemi tóze berýge de bolmaidy. Sondyqtan tiisti sharalardy qabyldaimyz, – dedi Qasym-Jomart Toqaev.
Sondai-aq Memleket basshysy oramishilik jáne magistraldyq jelilerdiń, sondai-aq qaladaǵy turǵyn úi qorynyń aldaǵy jylytý maýsymyna daiyndyq barysyn tekserdi.
Asaiyn Baihanovtyń aitýynsha, búginde magistraldyq jáne oramishilik jelilerge júrgizilgen gidravlikalyq synaqtar nátijesinde anyqtalǵan 304 aqaý joiylyp, 62 shaqyrym qubyr men 95 dana bekitý armatýrasynyń 76-sy aýystyryldy. Sondai-aq Úkimet rezervinen bólingen qarajat esebinen 5,4 shaqyrym jylý magistrali jańartylyp jatyr.
Jalpy, oblys ákimdiginiń málimeti boiynsha Ekibastuzdaǵy apatty jaǵdailardyń aldyn alý úshin eki jobany iske asyrý qajet. Birinshi joba – Ekibastuz JEO-ǵa tehnikalyq sýdyń úzdiksiz berilýin qamtamasyz etetin magistraldyq qubyrdyń qurylysy. Ekinshisi – jańa jylý magistraliniń qurylysy. Bul qalanyń tórt shaǵyn aýdanyndaǵy jylý júiesiniń teńgerimdiligin qamtamasyz etip, 9 myńnan astam qala turǵynyn jylýmen qamtamasyz etý parametrlerin aitarlyqtai jaqsartady.
Premer-Ministrdiń birinshi orynbasary Roman Skliar Úkimet kelesi jyldan bastap atalmysh jobalardy qarjylandyrý máselesin pysyqtap jatqanyn jetkizdi.
