فوتو: Akorda.kz
مەملەكەت باسشىسى ەكٸباستۇز قالاسىنىڭ جىلىتۋ ماۋسىمىنا دايىندىق بارىسىمەن تانىستى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
قاسىم-جومارت توقاەۆتىڭ پاۆلودار وبلىسىنا جۇمىس ساپارى ەكٸباستۇز قالاسىنداعى جىلۋ ەلەكتر ورتالىعىن ارالاپ كٶرۋدەن باستالدى.
پرەزيدەنت جىلۋ ەلەكتر ورتالىعىندا جٷرگٸزٸلٸپ جاتقان جٶندەۋ جۇمىستارىن تەكسەردٸ.
وبلىس ەكٸمٸ اسايىن بايحانوۆتىڭ بايانداۋىنشا, تەحنيكالىق اۋديت نەتيجەسٸندە ەكٸباستۇز جەو اكتسيونەرلەرٸمەن بٸرلەسە قالانى جىلۋمەن قامتاماسىز ەتۋ مەسەلەلەرٸن شەشۋ جٶنٸندەگٸ ٸس-قيمىل جوسپارى دايىندالىپ, بەكٸتٸلدٸ. «واەك» كومپانيياسى جىلۋ جەلٸلەرٸنٸڭ ەبدەن توزىعى جەتكەن ۋچاسكەلەرٸ بويىنشا جوبالىق-سمەتالىق قۇجاتتامانى جەنە جەو-داعى جٶندەۋ جۇمىستارىنا قاتىستى تەحنيكالىق شەشٸمدەردٸ ەزٸرلەدٸ.
جوسپارعا سەيكەس «واەك» اق-نىڭ جەكە قارجىسى (8,2 ملرد تەڭگە) جەنە ٷكٸمەت رەزەرۆٸ مەن وبلىستىق بيۋدجەتتەن بٶلٸنگەن قاراجات ەسەبٸنەن (8,5 ملرد تەڭگە) بارلىق 10 قازاندىق اگرەگاتى (5 بۋ جەنە 5 سۋ جىلىتۋ) جٶندەلەدٸ.
نىساننىڭ جاي-كٷيٸمەن تانىسقان پرەزيدەنت ٷكٸمەت پەن وبلىس ەكٸمٸنە ەكٸباستۇز جەو-سىنىڭ قىزمەتٸن قالپىنا كەلتٸرۋ جۇمىستارىنىڭ ساپاسى مەن مەرزٸمٸن ايرىقشا باقىلاۋعا الۋدى تاپسىردى.
– جاعداي كٷردەلٸ. كٶپ نەرسە توزعان. بۇل مەسەلەمەن جٷيەلٸ تٷردە اينالىسىپ, ەرقاشان باقىلاۋدا ۇستاۋ قاجەت. بىلتىر قىستا بولعان جاعداي وسى قالادا دا نەمەسە باسقا قالادا دا قايتالانباۋى كەرەك. بۇل – ٷكٸمەت پەن بارلىق ەكٸمدەردٸڭ جاۋاپكەرشٸلٸگٸ. بولعان جاعدايدان اششى ساباق الدىق. ەل ازاماتتارى مەن اتالعان قالالاردىڭ تۇرعىندارىنا شىدامدىلىق پەن تٷسٸنٸستٸك تانىتقانى ٷشٸن العىس ايتۋ كەرەك. بٸراق ٷنەمٸ تٶزە بەرۋگە دە بولمايدى. سوندىقتان تيٸستٸ شارالاردى قابىلدايمىز, – دەدٸ قاسىم-جومارت توقاەۆ.
سونداي-اق مەملەكەت باسشىسى ورامٸشٸلٸك جەنە ماگيسترالدىق جەلٸلەردٸڭ, سونداي-اق قالاداعى تۇرعىن ٷي قورىنىڭ الداعى جىلىتۋ ماۋسىمىنا دايىندىق بارىسىن تەكسەردٸ.
اسايىن بايحانوۆتىڭ ايتۋىنشا, بٷگٸندە ماگيسترالدىق جەنە ورامٸشٸلٸك جەلٸلەرگە جٷرگٸزٸلگەن گيدراۆليكالىق سىناقتار نەتيجەسٸندە انىقتالعان 304 اقاۋ جويىلىپ, 62 شاقىرىم قۇبىر مەن 95 دانا بەكٸتۋ ارماتۋراسىنىڭ 76-سى اۋىستىرىلدى. سونداي-اق ٷكٸمەت رەزەرۆٸنەن بٶلٸنگەن قاراجات ەسەبٸنەن 5,4 شاقىرىم جىلۋ ماگيسترالٸ جاڭارتىلىپ جاتىر.
جالپى, وبلىس ەكٸمدٸگٸنٸڭ مەلٸمەتٸ بويىنشا ەكٸباستۇزداعى اپاتتى جاعدايلاردىڭ الدىن الۋ ٷشٸن ەكٸ جوبانى ٸسكە اسىرۋ قاجەت. بٸرٸنشٸ جوبا – ەكٸباستۇز جەو-عا تەحنيكالىق سۋدىڭ ٷزدٸكسٸز بەرٸلۋٸن قامتاماسىز ەتەتٸن ماگيسترالدىق قۇبىردىڭ قۇرىلىسى. ەكٸنشٸسٸ – جاڭا جىلۋ ماگيسترالٸنٸڭ قۇرىلىسى. بۇل قالانىڭ تٶرت شاعىن اۋدانىنداعى جىلۋ جٷيەسٸنٸڭ تەڭگەرٸمدٸلٸگٸن قامتاماسىز ەتٸپ, 9 مىڭنان استام قالا تۇرعىنىن جىلۋمەن قامتاماسىز ەتۋ پارامەترلەرٸن ايتارلىقتاي جاقسارتادى.
پرەمەر-مينيستردٸڭ بٸرٸنشٸ ورىنباسارى رومان سكليار ٷكٸمەت كەلەسٸ جىلدان باستاپ اتالمىش جوبالاردى قارجىلاندىرۋ مەسەلەسٸن پىسىقتاپ جاتقانىن جەتكٸزدٸ.
