Nur-Sultan, Almaty, Shymkent qalalary jáne barlyq oblys ortalyqtarynda mańynda mektebi joq turǵyn úiler bar. Bul týraly «Orta bilim salasyndaǵy memlekettik-jekeshelik áriptestik: jekemenshik mektepter» taqyrybynda ótken onlain konferentsiiada aityldy, dep habarlaidy QazAqparat.
«Biz Nur-Sultan qalasynda memlekettik-jekemenshik seriktestik aiasynda on mektep salýdamyz. Osy baǵdarlamany Almaty jáne Shymkent qalasynda júzege asyramyz. Almaty seismikalyq aimaqta bolǵandyqtan zań boiynsha 4 qabatty mektep sala almaimyz, biraq barlyq talaptarǵa sai etip salýǵa bolar edi. Almaty qalasynda halyq sany kóp bolǵandyqtan bos jer telimderi joq. Al súrilgen jer ýchaskesin satyp alý qymbatqa túsedi. Iaǵni, jer ýchaskesine qatysty osyndai máseleler bar», - deidi «BI Constrcution & Engineering» JShS «Ortalyq» divizionynyń direktory Viktor Bogma.
Ol Qazaqstanda sońǵy 3-4 jylda salynǵan mektepter men reseilik mektepterdi, sondai-aq jeke menshik mektepter men Nazarbaev ziiatkerlik mektepterin salystyryp, saraptama jasaǵanyn aitty.
«Qazaqstandyq orta bilim beretin mektepterdi tehnikalyq quraldarmen jabdyqtaý quny mektep qurylysy qunynyń 5-6%-yn quraidy. Reseide bul kórsetkish – 15-17% bolsa, Nazarbaev ziiatkerlik mektebinde - 33-35%. Nege aiyrmashylyq kóp?», - deidi ol.
Bilim jáne ǵylym vitse-ministri Bibigúl Asylovanyń aitýynsha, másele qurylystan aqsha únemdeýde emes ekenin aitty.
«Kásipker qarjysyn durys qoldana biledi. Biz qurylys máselesi jónindegi komitetke iri mektep jobasyn jasaý jóninde ótinish berdik. Nur-Sultan, Almaty, Shymkent qalalary jáne barlyq oblys ortalyqtarynda mańynda mektebi joq turǵyn úiler bar. Bul - QR Bilim jáne ǵylym ministrliginiń kinási emes. Bul - jergilikti atqarýshy organdaryna qatysty suraq. Ol jobalardy biz jasamaimyz. Osyndai tyǵyryqtan shyǵýdyń bir joly – adamdar kóp turatyn turǵyn úilerdiń mańyna 2000-3000, tipti 5000 oryndyq iri mektepter salý», - deidi ol.
