QR Parlamenti Senatynyń depýtaty Manap Kóbenov otandyq jeńil ónerkásip salasyna kotrafaktilik ónimniń keltirip otyrǵan shyǵyny týraly aitty, dep habarlaidy "Ult aqparat".
«Barshamyz bilemiz, jeńil ónerkásip búginde ekonomikalyq qaýipsizdikti, jumyspen qamtýdy qamtamasyz etýde mańyzdy ról atqarady, sondai-aq shaǵyn biznestiń damýyna qoldaý jasaidy. Sondyqtan qazirgi kezde jeńil ónerkásipte makroekonomikalyq problema baiqalýda», - dedi depýtat Senatta elimizdegi jeńil ónerkásip taqyrybyna arnalǵan parlamenttik tyńdaýda.
Onyń sózine qaraǵanda, importtyń, kontrabanda men kotrafaktilik ónimniń shamadan tys bolýy elimizdegi atalǵan sala úshin qiyndyq týdyrýda. Kontrafakt pen kontrabanda shyn máninde memlekettik qoldaý sharalaryn qunsyzdandyryp keledi.
«Jeńil ónerkásip - ol aýqymy boiynsha azyq túlik salasynan keiin ekinshi oryndaǵy naryq. Onyń aýqymy búginde 500 mlrd teńgeni qurap otyr. Alaida keibir esepteýler boiynsha, salanyń «kóleńkeli» bóligi naryqtan eki ese asyp, 1 trln teńgeden astam qarjyny qurady», - dedi Senat Tóraǵasy Dariǵa Nazarbaeva.
Onyń aitýynsha, kiim óndirýshileriniń eń úlken problemasy otandyq shikizatpen qamtamasyz etilmeýine bailanysty. Sondyqtan jeńil ónerkásipti damytý úshin shikizattyq bazany damytý boiynsha sharalardy qamtamasyz etý usynyldy.
