قر پارلامەنتٸ سەناتىنىڭ دەپۋتاتى ماناپ كٶبەنوۆ وتاندىق جەڭٸل ٶنەركەسٸپ سالاسىنا كوترافاكتٸلٸك ٶنٸمنٸڭ كەلتٸرٸپ وتىرعان شىعىنى تۋرالى ايتتى, دەپ حابارلايدى "ۇلت اقپارات".
«بارشامىز بٸلەمٸز, جەڭٸل ٶنەركەسٸپ بٷگٸندە ەكونوميكالىق قاۋٸپسٸزدٸكتٸ, جۇمىسپەن قامتۋدى قامتاماسىز ەتۋدە ماڭىزدى رٶل اتقارادى, سونداي-اق شاعىن بيزنەستٸڭ دامۋىنا قولداۋ جاسايدى. سوندىقتان قازٸرگٸ كەزدە جەڭٸل ٶنەركەسٸپتە ماكروەكونوميكالىق پروبلەما بايقالۋدا», - دەدٸ دەپۋتات سەناتتا ەلٸمٸزدەگٸ جەڭٸل ٶنەركەسٸپ تاقىرىبىنا ارنالعان پارلامەنتتٸك تىڭداۋدا.
ونىڭ سٶزٸنە قاراعاندا, يمپورتتىڭ, كونتراباندا مەن كوترافاكتٸلٸك ٶنٸمنٸڭ شامادان تىس بولۋى ەلٸمٸزدەگٸ اتالعان سالا ٷشٸن قيىندىق تۋدىرۋدا. كونترافاكت پەن كونتراباندا شىن مەنٸندە مەملەكەتتٸك قولداۋ شارالارىن قۇنسىزداندىرىپ كەلەدٸ.
«جەڭٸل ٶنەركەسٸپ - ول اۋقىمى بويىنشا ازىق تٷلٸك سالاسىنان كەيٸن ەكٸنشٸ ورىنداعى نارىق. ونىڭ اۋقىمى بٷگٸندە 500 ملرد تەڭگەنٸ قۇراپ وتىر. الايدا كەيبٸر ەسەپتەۋلەر بويىنشا, سالانىڭ «كٶلەڭكەلٸ» بٶلٸگٸ نارىقتان ەكٸ ەسە اسىپ, 1 ترلن تەڭگەدەن استام قارجىنى قۇرادى», - دەدٸ سەنات تٶراعاسى داريعا نازارباەۆا.
ونىڭ ايتۋىنشا, كيٸم ٶندٸرۋشٸلەرٸنٸڭ ەڭ ٷلكەن پروبلەماسى وتاندىق شيكٸزاتپەن قامتاماسىز ەتٸلمەۋٸنە بايلانىستى. سوندىقتان جەڭٸل ٶنەركەسٸپتٸ دامىتۋ ٷشٸن شيكٸزاتتىق بازانى دامىتۋ بويىنشا شارالاردى قامتاماسىز ەتۋ ۇسىنىلدى.
