Foto: Videodan skrinshot
Aqyn, qoǵam qairatkeri Muhtar Shahanovtyń kelini Jańagúl Muratqyzy aqynnyń jelide taraǵan Konstitýtsiiany jáne Prezident Qasym-Jomart Toqaevtyń saiasatyn qoldaityny jaily videosyna qatysty ashyq málimdeme jasady, dep habarlaidy Ult.kz.
Jańagúl Muratqyzy Facebook paraqshasynda jazba jariialady. Onyń aitýynsha, aqynnyń qazirgi jaǵdaiy óte aýyr, aitqanyn bir sátten keiin umytyp qalatyn naýqas kúide.
“Jaqynda ǵana ekinshi ulynan aiyrylǵan adamnyń psihoemotsionaldyq jaǵdaiynyń qanshalyqty aýyr ekenin bireý túsinse, bireý túsinbeidi”, – dep jazdy ol.
Ol Muhtar Shahanovtyń búginde qoǵamda bolyp jatqan jaǵdailardan múlde beihabar ekenin alǵa tartty.
“Tynyshtyq berińizder! Ultyna ólsheýsiz eńbegi sińgen, ana tiline ómirin arnaǵan atamyzdy bir videoǵa bola qarǵap-sileýdiń, qaralaýdyń eshqandai negizi joq. Muhtar Shahanov óz ultynyń aldynda adal perzenti bolyp máńgi tarihta qalatyn tulǵa!” – dep jazdy ol.
