Sýret ashyq derekkózden alyndy
Elvira Azimova Konstitýtsiialyq sottyń tóraǵasy bolyp taǵaiyndaldy, - dep habarlaidy "Ult aqparat" Aqorda saityna silteme jasap.
"Elvira Ábilhasymqyzy Azimova Qazaqstan Respýblikasy Konstitýtsiialyq Sotynyń Tóraǵasy laýazymyna 2023 jylǵy 1 qańtardan bastap taǵaiyndalsyn", - delingen Memleket basshysynyń Jarlyǵynda.
Elvira Azimova 1973 jyly dúniege kelgen. Iasaýi atyndaǵy halyqaralyq qazaq-túrik ýniversitetin "zańger" mamandyǵy boiynsha támamdaǵan. Eńbek jolyn 1990-1991 jyldary Shymkenttegi Dzerjinskii aýdandyq ishki ister bóliminiń kezekshi operatory bolyp jumys isteýden bastaǵan.
1996-2013 jyldary QR Ádilet ministrliginiń júiesinde jetekshi keńesshi, bas keńesshi jáne maman, orynbasar jáne basqarma basshysy, sonymen qatar, QR halyqaralyq qyzmetin normativtik qamtamasyz etý departamentiniń direktory bolǵan.
2013 jyldan 2019 jylǵa deiin Qazaqstannyń ádilet ministriniń orynbasary qyzmetin atqarǵan.
Al 2019 jyldyń qyrkúieginen beri Adam quqyqtary jónindegi ýákil bolǵan edi.
