Aqordada Memlekettik bilik tarmaqtary arasynda ókilettikterdi qaita bólý máseleleri jónindegi jumys tobynyń otyrysy ótti, dep habarlaidy "Ult aqparat" Aqordanyń baspasóz qyzmetine silteme jasap.
Osy aptada «Qazaqstan Respýblikasynyń Konstitýtsiiasyna ózgerister men tolyqtyrýlar engizý týraly» Qazaqstan Respýblikasy Zańynyń jobasyn búkilhalyqtyq talqylaý merzimi aiaqtalady.
Memleket basshysy bastamashylyq jasaǵan konstitýtsiialyq reformaǵa qoǵamdaǵy qyzyǵýshylyqtyń deńgeii joǵary bolǵany otyrys barysynda atalyp ótti. Jumys tobynyń atyna Parlamenttiń rólin, Úkimettiń jáne jergilikti bilik organdarynyń jaýapkershiligin kúsheitý, quqyq qorǵaý qyzmetin jáne sot júiesin jetildirý jóninde, sondai-aq menshik quqyǵy máseleleri boiynsha úsh myńdai ótinish kelip tústi. Bul usynystar Memleket basshysynyń konstitýtsiialyq ókilettikterine de, el zańdary arqyly belgilengen ókilettikterge de qatysty.
Jumys tobynyń músheleri kelip túsken barlyq usynystardy jinaqtap, qorytyp, muqiiat qarastyrý ústinde. Bul jumysqa otandyq jáne sheteldik sarapshylar, tiisti memlekettik organdar qatysýda.
«Qazaqstan Respýblikasynyń Konstitýtsiiasyna ózgerister men tolyqtyrýlar engizý týraly» zańnyń jobasy búkilhalyqtyq talqylaý qorytyndylary boiynsha jetildirilip, Memleket basshysyna usynylatyn bolady.
