Memleket basshysy Qasym-Jomart Toqaevtyń ótinishi is júrgizýge qabyldandy, dep habarlaidy "Ult aqparat" Qazaqstan Respýblikasynyń Konstitýtsiialyq Keńesine silteme jasap.
«Konstitýtsiialyq Keńes Qazaqstan Respýblikasynyń Prezidenti Qasym-Jomart Toqaevtyń «Qazaqstan Respýblikasynyń Konstitýtsiiasyna ózgerister men tolyqtyrýlar engizý týraly» Qazaqstan Respýblikasy Zańynyń jobasyn Qazaqstan Respýblikasy Konstitýtsiiasynyń 91-babynyń 2-tarmaǵynda belgilengen talaptarǵa sáikestigi turǵysynan qaraý týraly ótinishin konstitýtsiialyq is júrgizýge qabyldady», - delingen habarlamada.
«Qazaqstan Respýblikasynyń Konstitýtsiialyq Keńesi týraly» Konstitýtsiialyq zańyna sáikes, atalǵan ótinishti Konstitýtsiialyq Keńestiń otyrysynda qaraý úshin qajetti materialdardy daiyndaý jumysy júrgizilýde.
Konstitýtsiialyq Keńestiń sheshimi buqaralyq aqparat quraldarynda jariialanady.
Eske sala keteiik, QR Konstitýtsiiasynyń 91 baby, 2 tarmaǵynda «Konstitýtsiiada belgilengen memlekettiń táýelsizdigi, Respýblikanyń birtutastyǵy men aýmaqtyq tutastyǵy, ony basqarý nysany, sondai-aq táýelsiz Qazaqstannyń Negizin salýshy, Qazaqstan Respýblikasynyń Tuńǵysh Prezidenti – Elbasy irgesin qalaǵan Respýblika qyzmetiniń túbegeili printsipteri jáne Qazaqstan Respýblikasynyń Tuńǵysh Prezidenti – Elbasynyń mártebesi ózgermeidi» dep kórsetilgen.
