Caiasattanýshy, Eýropalyq quqyq pen adam quqyǵy saraptamalyq institýtynyń direktory Marat Báshimov Konstitýtsiiaǵa ózgerister men tolyqtyrýlar engizýge qatysty pikirimen bólisti. Onyń oiynsha, halyq ózgeristerdi kútip otyr, dep habarlaidy Baq.kz portaly.
Búgingi tańda elimizde úlken tarihi oqiǵalar bolyp jatyr. Atap aitqanda, adam quqyqtary jónindegi ózgerister. Iaǵni biz Prezidenttiń Joldaýynda aitylǵan tapsyrmalardy iske asyryp, eki jaqty talqylaý bolmaýy úshin arnaiy jumys toby óz úlesin qosty. Óitkeni biz qaraǵan máselelerdiń qatarynda adam quqyqtary jónindegi normalar, Parlament Májilisiniń quzyretterin kúsheitetin normalar, Konstitýtsiialyq zań, adam quqyǵy jónindegi ýákil, Bas prokýror týraly bar, - dedi saiasattanýshy.
Báshimovtyń sózinshe, Prezidenttiń ózi atap ótkendei, adam quqyǵy jónindegi kepildik ol Konstitýtsiianyń ústemdigin ustap turǵan. Sol úshin konstitýtsiialyq organdardyń basshylary saiasatqa aralaspaýy kerek, partiiaǵa kirmeýi kerek degen normalar, ákimderdi sailaý qalai júrgiziletini týraly printsipterdiń barlyǵy demokratiiany joǵary deńgeige kóteredi.
Ózgeristiń barlyǵy halyqqa kerek, olar ony kútip otyr. Konstitýtsiiaǵa engizilgen ózgeristiń barlyǵy tarihi dúnie. Ol quqyqtyq, saiasi jaǵdaidyń bárin ózgertedi. Bastysy onyń halyqqa paidasy bolady, - deidi saiasattanýshy.
Eske sala keteiik, 22 sáýirde Prezident Qasym-Jomart Toqaev Konstitýtsiiaǵa ózgerister men tolyqtyrýlar engizý jóninde keńes ótkizgen bolatyn. Memleket basshysy óz sózinde Joldaýda aitylǵan saiasi bastamalardy júzege asyrý úshin Ata zańymyzǵa ózgerister men tolyqtyrýlar engizý kerek ekenin aitty.
