Ádilet ministri Qanat Mýsin Prezident Joldaýyn júzege asyrý boiynsha jalpyulttyq jospardy tanystyrdy, - dep habarlaidy Tengrinews.kz.
Ministr jalpyulttyq jospar boiynsha Konstitýtsiiaǵa mynadai ózgerister engiziletinin aitty:
- Prezident ókilettigin, onyń qyzmetine bailanysty shekteýlerdi belgileý týraly;
- Ortalyq sailaý komissiiasynyń, Esep komitetiniń, Konstitýtsiialyq keńestiń tóraǵalary men músheleriniń saiasi partiialardan shyǵýy,
- Parlament Senaty men Májilisin qalyptastyrý jáne onyń fýnktsiialary, respýblikalyq biýdjettiń atqarylýyn baqylaý jónindegi esep komitetin joǵary aýditorlyq palataǵa ainaldyrý tártibi,
- Máslihattardy qalyptastyrý tártibi,
- Konstitýtsiialyq sot quryp, oǵan azamattardyń, bas prokýror men adam quqyqtary jónindegi ýákildiń ótinish bildirý múmkindigin belgileý,
- Konstitýtsiiada ólim jazasyn joiý týraly sheshimdi bekitý.
Mýsin bul blok boiynsha zań jobasyn ázirleý 2022 jylǵy sáýirde josparlanyp otyrǵanyn aitty.
Sondai-aq, konstitýtsiialyq zańdar boiynsha ózgerister engizý josparlanyp otyr:
- Ákimder men olardyń orynbasarlaryna partiia filialdarynda qyzmet atqarýǵa tyiym salý,
- Parlament Senaty men Májilisin qalyptastyrý tártibi jáne onyń fýnktsiialary,
- Konstitýtsiialyq Keńestiń jáne Joǵary Sot Keńesiniń tóraǵalary qyzmetine kandidatýralardy kelisý,
- Joǵary aýditorlyq Palatanyń qurylýy,
- Máslihattardy qalyptastyrý tártibi men olardyń fýnktsiialary,
- Saiasi partiialardy tirkeý rásimin ońailatý,
- Prokýratýra men adam quqyqtary jónindegi ýákil qyzmetiniń máseleleri boiynsha,
- Sailaý protsesin jetildirý,
- Alqabiler soty qatysatyn isterdi keńeitý,
- Buqaralyq aqparat quraldary týraly zańdy qaita qaraý,
- Jergilikti ózin-ózi basqarý.
Konstitýtsiialyq zańnyń jáne osy blok boiynsha zań jobalaryn ázirleý 2022 jylǵy tamyzda josparlanyp otyrǵany aityldy.
Abai, Ulytaý oblystaryn qurý jónindegi Prezident jarlyqtary men Úkimet qaýlylarynyń jobalaryn ázirleý, Almaty oblysyn Jetisý jáne Almaty oblystaryna bólý, oblystar men respýblikalyq mańyzy bar qalalar ákimderi orynbasarlarynyń sany boiynsha shekteý jumystary 2022 jylǵy maýsymda júrgiziledi.
