Konstitýtsiia kúni: Elbasynyń 25 jyl burynǵy videosy jariialandy

QR Tuńǵysh prezidenti – Elbasy Nursultan Nazarbaevtyń baspasóz qyzmeti Konstitýtsiia kúnine orai Instagram-daǵy paraqshasynda 25 jyl burynǵy videony jariialady, dep habarlaidy "Ult aqparat".

«Osydan 25 jyl buryn dál osy kúni Qazaqstan Respýblikasynyń Konstitýtsiiasyn qabyldaý týraly respýblikalyq referendým ótti. Daýys berýden keiin Nursultan Nazarbaev baspasóz máslihatyn ótkizip, otandyq jáne sheteldik jýrnalisterdiń suraqtaryna jaýap berdi. Al bir aptadan soń, 1995 jyly 6 qyrkúiekte N.Nazarbaev jańa Konstitýtsiianyń resmi tanystyrylym rásimine qatysty. Ortalyq sailaý komissiiasynyń tóraǵasy Iu.A.Kim «1995 jylǵy 30 tamyzda ótken respýblikalyq referendýmda Qazaqstan Respýblikasynyń Konstitýtsiiasyn qabyldaýǵa daýys berý nátijeleri týraly» qaýlyny oqyp, N.Á.Nazarbaevqa elimizdiń jańa Ata Zańynyń mátininiń túpnusqasyn tapsyrdy» delingen jazbada.