Irlandiialyq aralas jekpe-jek óneriniń sheberi, eki jeńil salmaq sanatynda burynǵy álem chempiony Konor Makgregor amerikalyq Donald Serroneni jeńdi, dep habarlaidy "Ult aqparat".
AQSh-tyń Nevada shtatyndaǵy Las-Vegas qalasynda UFC 246 týrniri aiasynda ótken 5 raýndqa josparlanǵan jekpe-jek alǵashqy raýndtyń 40 sekýndynda aiaqtaldy. Makgregor qarsylasyn tehnikalyq nokaýtqa jiberdi. Osylaisha 31 jastaǵy irlandiialyq óziniń sporttyq mansabyndaǵy 22 jeńisine qol jetkizdi.
Aita keterligi, Konor Makgregor 2018 jyldyń qazanynda reseilik Habib Nýrmagomedovten jeńilgennen keiin sharshy alańǵa alǵash ret shyǵyp otyr.
Al Donald Serrone bolsa, buǵan deiin 36 márte qarsylasyn súrindirip, 14-shi ret jeńilistiń ashy dámin tatyp otyr.
